काठमाडौं । नेपालको तेस्रो उपराष्ट्रपतिमा रामसहायप्रसाद यादव निर्वाचित भएका छन्। शुक्रबार राष्ट्रपति पदका लागि भएको निर्वाचनमा उनी ३० हजार ३२८ मतभार पाएर उपराष्ट्रपतिमा निर्वाचित भएका हुन् । उनले संघीय संसदका १८४ जना सांसदले दिएको मतको मतभार १४ हजार ५३६ र प्रदेशसभाका ३२९ जना सदस्यले दिएको मतको १५ हजार ७९२ मतभार पाएका हुन् ।

बारा–२ बाट निर्वाचित प्रतिनिधिसभा सदस्यसमेत रहेका यादव जसपाका संसदीय दलका नेता हुन्।यादवका प्रतिस्पर्धी एमालेकी उम्मेदवार अष्टलक्ष्मी शाक्यको पक्षमा संघीय संसदका १०४ र प्रदेशसभाका १६९ जना सदस्यले मत दिएका थिए । यसैगरी, जसपाकै प्रमिलाकुमारी यादवलाई संघीय संसदका एक जनाले मत दिँदा प्रदेशसभाबाट शून्य मत परेको थियो । साथै जनमत पार्टीकी ममता झाले संघीय संसदका २३ जना सदस्य र प्रदेशसभाका १५ जना सदस्यबाट मत पाएकी हुन् ।

नेपालको पहिलो उपराष्ट्रपतिमा परमानन्द झा र दोस्रो उपराष्ट्रपतिमा नन्दकिशोर पुन निर्वाचित भएका थिए ।

सम्बन्धित समाचार

विभाजित माओवादी पार्टी एकीकृत हुँदै ममता झाले गरिन् उपराष्ट्रपतिमा उम्मेदवारी दर्ता उपराष्ट्रपतिका लागि चार जनाको उम्मेदवारी दर्ता राष्ट्रपति पौडेल आज शीतल निवासमा राष्ट्रपतिका सहकर्मी पाखे भन्छन् : पदकाे गरिमा जोगाउन सक्नु पर्छ उपराष्ट्रपति निर्वाचन : आज राति १२ देखि प्रचारप्रसार निषेध ‘उपराष्ट्रपति’मा गठबन्धनमा दुई धार प्रचण्ड नेतृत्वको सरकारलाई १६१ सांसदले विश्वासको मत दिने नयाँ उपराष्ट्रपति चयनका लागि मतदान जारी (फोटो फिचर)