सप्तरी क्वारेन्टाईनमा ५ महिला सहित ९४ जना


सप्तरी, राजविराज । कोरोना रोकथाम तथा व्यवस्थापनका लागि यहाँ स्थित विभिन्न अस्पताल र स्थानिय तहमा बनाईएको क्वारेन्टाईन केन्द्रमा राखिएको आशंकित व्यक्तिको संख्या विहिबार सम्ममा ९४ पुगेको छ ।

जस मध्ये महिलाको संख्या ५ छ । जिल्ला स्वास्थ्य कार्यालयका प्रमुख दुनिया लाल यादवका अनुसार यसरी राखिएका मध्ये अधिकांश कता, मलेशिया र भारतको विभिन्न शहरमा रोजगारी गरी फर्केकाहरु हुन ।

भारत तथा अन्य मुलुकबाट रोजगारीका लागी गई घर फर्केकाहरुबाट संक्रमण पनि भित्रिन्छ कि भन्ने खतराका कारण त्यस्ता व्यक्तिहरुको खोज तलास गरी क्वाईरेन्टाईनमा राखिएको उनको भनाई छ ।

अघिल्लो दिन ३१ जना रहेकोमा विदेशबाट फिर्ता आउनेको सूची पनि लामै भएकाले क्वाईरेन्टाईनमा आंशकितको संख्या बढेको उनको भनाई छ । क्वाईरेन्टाईनमा राखिएका सवै सप्तरीका बासिन्दा हुन ।

त्यस मध्ये अधिकांश विदेश गई फर्केका र केही आफनै गाउँठाउँमा अस्वस्थ रहेकाहरु पनि छन उनले भने, सवैको उपचार र परिक्षण गर्ने काम सुरु छ, १४ दिन सम्म त निश्चित रुपमै क्वाईरेन्टाईनमै राखिन्छ त्यसपछि अन्तिम रिपोर्टको आधारमा आवश्यक निर्णय लिईन्छ ।

तपाइको प्रतिक्रिया
(Visited 8 times, 1 visits today)

Ads Space Available

epaper

भर्खरै

हत्या भएको ६ महिनापछि शव भेटियो

कुरी-कुरी