सिन्धुली । जिल्लाको कमलामई नगरपालिका वडा नं. २ पिपलभञ्ज्याङमा कार दुर्घटना हुँदा दुई जनाको घटना स्थलमा नै मृत्यु भएको छ भने एक जना गम्भिर घाईते भएका छन ।
काठमाण्डौंबाट सिन्धुलीतर्फ आउने क्रममा विपी राजमार्ग अन्तरगत पिलभन्ज्याङमा बा८च९१३५ नम्बरको कार आईतवार राति दुर्घटना भएको जिल्ला प्रहरी कार्यालय सिन्धुलीले जनाएको छ ।
मृत्यु हुनेमा सिन्धुली मरिण गा.पा. कपिलाकोट घर भई काठमाण्डौं गौरीघाट बस्ने बर्ष ३८ की साहारा प्रसाई र झापा चारपानेका ४३ वर्षिय कुमार पुरीको मृत्यु भएको जिल्ला प्रहरी कार्यालय सिन्धुलीका प्रहरी प्रमुख राजकुमार सिलवालले जानकारी दिए ।
गम्भिर घाईते प्युठान न.पा. ८, प्युठानका योगेन्द्र थापाको सिन्धुली अस्पताल सिन्धुलीमा उपचार भई रहेको र थप उपचारका लागि काठमान्डौ पठाउने तयारी भईरहेको सिलवालले जानकारी दिए । कार आफै अनियन्त्रित भई सडकबाट बाँया साईड २० मिटर तल भिरमा खसेको थियो ।
