बागमती सरकार नेतृत्वमा नेकपा एमालेको आकांक्षा

मकवानपुर । केन्द्रिय सत्ताको गठबन्धनसंगै नयाँ समीकरणको लयमा रहेको बागमती सरकारको नेतृत्वमा नेकपा एमालेले आकांक्षा देखाएको छ ।

गत १० पुस २०७९ मा केन्द्रमा एमाले-माओवादीसहितको गठबन्धन बनेपछी बागमतीमा एमालेकै समर्थनमा माओवादी केन्द्रका शालिकराम जम्कट्टेल मुख्यमन्त्री बनेका थिए । त्यो बेला एमाले माओवादी आधा आधा समय सरकारको नेतृत्वमा हुने समझदारी अनुसार अब बन्ने सरकार एमालेले नेतृत्व गर्न पाउने आकांक्षा एमालेले गरेको हो । यद्यपि केन्द्रमा प्रधानमन्त्रीले विश्वासको मत लिएपछि प्रदेशको ’boutमा भगबण्डा मिलाइने छ ।

केन्द्रमा सत्ता गठबन्धन फेरबदल भएपछि बागमतीमा नयाँ सरकार गठन गर्ने कि अहिलेकै सरकारमा एमाले सहभागी हुने भन्ने बहस चलिरहेको बेला एमालेको आकांक्षि देखिएको हो। सरकारको नेतृत्व गरेको नेकपा माओवादी केन्द्र अहिलेकै सरकारमा एमाले सहभागी हुने बताउँछ भने ने एमाले नेताहरु सरकारको नेतृत्व’bout नै छलफल हुनुपर्ने बताउँछन् । दुई दलबीच प्रदेशस्तरमा सरकारको विषयमा छलफल सुरु भएको छैन । दुबै दल सत्ता गठबन्धनको केन्द्रीय निर्णय कुरेर बसेका छन् ।

बागमती प्रदेशसभाका एमाले संसदीय दलका नेता जगन्नाथ थपलियाले केन्द्रबाटै मुख्यमन्त्रीको भागबण्डा हुने बताउँछन् । ‘केन्द्रबाटै कुनै निर्णय आउनुपर्छ । मुख्यमन्त्रीकै भागबण्डा भइसकेको छैन । उताबाट टुंगिएपछि प्रदेशमा गृहकार्य गर्छौं’, उनले भने, ‘प्रधानमन्त्रीको विश्वासको मतपछि सरकार गठनमा तीव्रता दिन्छौं ।’

एमाले नेताहरु भने त्यतिबेला जम्कट्टेल २ वर्ष मुख्यमन्त्री रहने र त्यसपछि एमालेले सरकारको नेतृत्व गर्ने गरी सहमति भएको बताउँछन् । अहिले नयाँ गठबन्धन बनेपछि मुख्यमन्त्रीकै विषयमा छलफल हुनुपर्ने उनीहरुको भनाइ छ । नेकपा माओवादी केन्द्रले भने केन्द्रमा प्रदेशका मुख्यमन्त्रीका विषयमा छलफल हुँदा बागमती माओवादी केन्द्रकै भागमा पर्ने बताएको छ । नेकपा माओवादी केन्द्र संसदीय दलका मुख्य सचेतक रत्नप्रसाद ढकाल भन्छन्, ‘मुख्यमन्त्री छोड्ने कुरा हुँदैन । गठबन्धनमा पनि मुख्यमन्त्री माओवादीले पाउने गरी सकारात्मक कुरा भएको छ ।’

मुख्यमन्त्रीमा नेकपा (एकीकृत समाजवादी)ले पनि दाबी गरेको छ । अन्य प्रदेशमा एकीकृत समाजवादीको सरकार नरहेकाले बागमतीको मुख्यमन्त्रीमा दाबी रहने उक्त पार्टीका नेताहरु बताउँछन् । सरकारका प्रवक्तासमेत रहेका आन्तरिक मामिला तथा कानुनमन्त्री गंगानारायण श्रेष्ठले प्रधानमन्त्री पुष्पकमल दाहाल प्रचण्डले विश्वासको मत लिएपछि मात्रै प्रदेश सरकार गठनको प्रक्रिया अगाडि बढ्ने बताए ।

सत्ता समीकरण फेरिएपछि बागमतीमा सरकारबाट बाहिरिएको छ भने मुख्यमन्त्रीलाई दिएको समर्थन पनि फिर्ता लिएको छ । अब मुख्यमन्त्री जम्कट्टेलले प्रदेशसभामा विश्वासको मत लिनुपर्छ । ११० सदस्यीय प्रदेशसभामा सरकारले बहुमत सिद्ध गर्न ५६ सांसदको समर्थन आवश्यक पर्छ । प्रदेशसभामा कांग्रेसको ३७, एमालेको २७, माओवादीको २१, राप्रपाको १३, एकीकृत समाजवादीको ७, नेपाल मजदुर किसान पार्टीको ३ र हाम्रो नेपाली पार्टा २ प्रदेशसभा सदस्य छन् ।

सत्ता गठबन्धनमा रहेका दल एमाले, माओवादी र एकीकृत समाजवादीले मात्र बागमतीमा सरकार गठनका लागि बहुमत पुर्‍याउन सक्दैनन् । उनीहरुको सांसद संख्या जोड्दा ५५ मात्र पुग्छ । त्यसपछि सरकार बनाउन कम्तीमा २ सिट भएको हाम्रो नेपाली पार्टीको समर्थन आवश्यक पर्छ । हाम्रो नेपाली पार्टीले मुख्यमन्त्री जम्कट्टेललाई विश्वासको मत दिएको थियो । नयाँ परिस्थितिमा भने उसको निर्णय आएको छैन ।

यता संसदमा ३ सिट रहेको नेपाल मजदुर किसान पार्टीको सरकारमा सहभागीता ’bout संभावना पनि बलियो रहेको बुझिएको छ ।

तपाइको प्रतिक्रिया
(Visited 64 times, 1 visits today)

Ads Space Available

epaper

भर्खरै

यस्तो छ, २०८१ सालको वर्षफल

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
फेदीखोलामा एमालेका सुवेदी दोहोरिए