लकडाउनका बेला सुनचाँदी पसलमा चोरी गर्ने बुवाछोरा पक्राउ


धनगढी । जिल्ला प्रशासन कार्यालय कैलाली अगाडि रहेको प्रिया सुनचाँदी पसलमा बुधबार राति चोरी गर्ने दुई जना पक्राउ परेका छन् ।

चोरी गरेको आरोपमा पक्राउ पर्नेमा धनगढी उपमहानगरपालिका वडा नम्बर १ कारागार रोड बस्ने ४५ वर्षीय पप्पु गुप्ता र उनका २० वर्षीय छोरा पवन गुप्ता रहेको जिल्ला प्रहरी कार्यालय कैलालीले जनाएको छ ।

पप्पु यस अघि लागुऔषध तथा सार्वजनिक अपराधमा मुद्दामा पक्राउ परिसकेका व्यक्ति हुन् ।

पसल सञ्चालक बिनोद कुमार बर्माले सुनको पाँच जोडी टप, चाँदीको सामान सहित १० लाख बढिको चोरी भएको बताएका छन् ।

गुप्ताले आफ्नै घरको छतमाथिको पानी ट्यांकी भित्र लुकाएको अवस्थामा चोरीका सामान बरामद गरेको कैलाली प्रहरी प्रबक्ता डीएसपी दक्षकुमार बस्नेतले बताए । उनीहरूलाई सीसीटीभिको फुटेजकाे माध्यमबाट पक्राउ गर्न सफल भएको जनाइएको छ ।

चोरीको आरोपमा पक्राउ परेका पप्पु र उनका छोरा कारागार जाने चोकमा ठेलामा फलफूल र तरकारी बिक्री गर्ने गरेको प्रहरीले जनाएको छ ।

तपाइको प्रतिक्रिया
(Visited 149 times, 1 visits today)

Ads Space Available

epaper

भर्खरै

‘ओहो ! अहिले पनि पोल्छ’

कुरी-कुरी

Rajdhani Rastrya Dainik: Kuri Kuri – Jesth-10 | Online Nepali News Portal – Rajdhani Epaper | News Epaper in nepal
Rajdhani Rastrya Dainik: Kuri Kuri – Jesth-10 | Online Nepali News Portal – Rajdhani Epaper | News Epaper in nepal
भरतपुर महानगर प्रमुखमा कांग्रेसका २५ जनाकाे दावी, उपप्रमुखमा २४ जनाकाे नाम दर्ता