भ्रष्टाचार नियन्त्रणलाई साझा संकल्पः मुख्यमन्त्री सिंह

राजविराज । मधेश प्रदेशका मुख्यमन्त्री सतिशकुमार सिंहले भ्रष्टाचार नियन्त्रणलाई प्राथमिकतामा राखेर सरकारले काम गर्ने कुरा बताएका छन् । मुख्यमन्त्री नियुक्त भएको भोलिपल्टै गृहजिल्ला सप्तरीमा शनिबार सञ्चारकर्मीहरुसित कुराकानीका क्रममा उनले यस्तो बताएका हुन् ।

मधेशमा विगतमा उपभोक्ता समितिका नाममा भ्रष्टाचार बढेको, पैसा खाएर योजना नै विक्री गर्ने गरिएको जस्ता विकृतिप्रति जनगुनासो बढेको भन्दै उनले सरकारले यस प्रकारका अबैध गतिबिधि नियन्त्रणलाई प्राथमिकतामा राखेर काम गर्ने उल्लेख गरे ।

प्रदेशमा संस्थागत रुपमा रहेको भ्रष्टाचार नियन्त्रण सरकारको प्रमुख कार्य रहने बताउँदै उनले सरकारको यस अभियानमा सञ्चार क्षेत्र, राजनीतिक दल लगायत सम्बन्धित सबै पक्षको सहयोग आवश्यक रहेको जिकिर गरे ।

विगतका कमजोरीलाई मात्र कोट्याएर मधेशमा केही हुन सक्दैन भन्ने नकारात्मक कुरा मात्र प्रवाह गर्ने भन्दा पनि अब नयाँ सोचका साथ सञ्चार क्षेत्रले सकारात्मक कुरालाई पनि जनसमक्ष पुर्याउन जरुरी रहेको भन्दै उनले सकारात्मक सोचका साथ अघि बढ्नमा सञ्चार जगतले पनि भूमिका खेल्न आवश्यक रहेको उल्लेख गरे ।

मुख्यमन्त्री र अर्थमन्त्री बाहेक मधेश प्रदेशमा अरु कसैको केही नचल्ने भनि केही महिना अघि पत्रकार सम्मेलनमा बताएका सिंहको भनाई उल्लेख गर्दै पत्रकारहरुले अहिले फरक दलको अर्थमन्त्री रहेको अवस्थामा कसरी काम गर्नु हुन्छ ? भनि राखिएको जिज्ञासामा उनले अहिले कुनै एक दलको बहुमतको सरकार नरहेको अवस्थामा मिलेर काम गर्नुको विकल्प नरहने भएकाले भ्रष्टाचार नियन्त्रणलाई साझा संकल्पका रुपमा लिएर अघि बढ्न आवश्यक रहेको बताए ।

चालु आर्थिक वर्ष समाप्तिको चरणमा रहेकोले भोलिदेखि नै सम्पूर्ण क्याबिनेट र सचिव फुल टाईम बसेर बजेट, नीति तथा कार्यक्रम निर्माणमा लाग्ने बताए । उनले मधेश प्रदेशका एक सय ३६ वटै पालिकामा किसानका लागि एक एकवटा विशिष्ठ रुपको कृषि प्याकेजको कार्यक्रम ल्याउने जानकारी दिए ।

तपाइको प्रतिक्रिया
(Visited 65 times, 1 visits today)

Ads Space Available

epaper

भर्खरै

प्रचण्ड–ओली दूरी बढ्दै

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
सात पालिका मध्ये अमरगढीमा मात्रै प्रमुखमा महिलाको उम्मेदवारी