वीरगन्ज । बालसुधार गृह वीरगन्जमा क्षमताभन्दा ७८ प्रतिशत बढि बालकैदी तथा थुनुवाहरु राखिएको पाइएको छ । अहिले त्यहाँ विभिन्न मुद्दाका ८९ जना बालकैदी तथा पूर्पक्षका लागि थुनामा राखिएका बालकहरु छन् ।

वीरगन्जको बालसुधार गृहको क्षमता ५० जनाको मात्र रहेको बाल सुधार गृह पर्सा, वीरगन्ज कार्यालयका प्रमुख टिकाकृष्ण काफ्लेले बताए । अहिले क्षमताभन्दा ३९ जना बढी बालकैदी तथा थुनुवा रहेको बालसुधार गृह वीरगन्ज कार्यालयका प्रमुख काफ्लेले भने ।

बालसुधार गृह वीरगन्जमा अहिले जबरजस्ती करणी मुद्दाका सबैभन्दा धेरै ३७ जना बालकहरु रहेका छन् । त्यसैगरी लागु औषध मुद्दाका १० जना, कर्तव्य ज्यान मुद्दाका ९ जना, सवारी ज्यान सम्बन्धी मुद्दाका ७, ज्यान सम्बन्धी कसुरका ५, सवारी अंगभंगका ३, अपहरण शरीर बन्धक र नकवजनी चोरीका २–२ जना छन् । त्यसैगरी अपहरण, शरीरबन्धक तथा जबरजस्ती करणी, जबरजस्ती करणी गरी ज्यान मारेको, अप्राकृतिक मैथुन, कुटपिट अंगभंग, ज्यानमार्ने उद्योग, मानवबेभबिखन तथा ओसारपसार, चोरी, डाका, चोरी तथा डाका र ज्यानमार्ने उद्योग, हातहतियार, अपहरण तथा व्यक्ति वेपता पार्ने कसुर र ज्यान सम्बन्धी कसुर, अप्राकृतिक मैथुन र कर्तव्य ज्यान, जबरजस्ती करणी र कर्तव्य ज्यान र लागु औषध र कर्तव्य ज्यानका १–१ गरी जम्मा ८९ जना बालकैदी तथा थुनुवाहरु रहेको पनि बाल सुधार गृह वीरगन्जले जनाएको छ ।

बस्ती बीचमा बालसुधार गृह
पर्साको वीरगन्ज महानगरपालिका वडा नम्बर ४ बिर्तास्थित बजारको बस्ती बीचमा बाल सुधार गृह अवस्थिति छ । यो सुरक्षाका दृष्टिकोणले उचित छैन । तथापि राज्यले अर्को व्यवस्था नगरुन्जेलसम्म यसैमा काम चलाउनु परेको कार्यालय प्रमुख काफ्लेले बताए । ठाउँको अभाव पूर्ताल नहुन्जेलसम्म सकसपूर्ण स्थितिमा काम चलाइरहेको उनको भनाइ छ ।

बालसुधार गृह भित्रै कार्यालय र सुरक्षाकर्मीको कार्यकक्ष
बालकैदी र थुनुवाहरुको रेखदेख, स्वास्थ्य निगरानी लगायत व्यवस्थापन हेर्ने कार्यालय र सुरक्षाकर्मीको कार्यकक्ष समेत संगोलमा नै छ । यहाँबाट अलि खुल्ला र सुरक्षित स्थानमा बालसुधार गृह सार्नुपर्ने कुरा सम्बन्धित माथिल्लो निकायमा पनि अवगत गराइएको छ । तथापि लामो समय भइसक्दा पनि उचित प्रवन्ध हुन नसकेको बालसुधार गृह वीरगन्जले गुनासो पनि गरेको छ ।

सम्बन्धित समाचार

भारतको गणतन्त्र दिवसको अवसरमा गरिब असहायलाई सहयोग ३० दिनमा सप्तरीमा विभिन्न अपराधका ३५ जना पक्राउ बारामा निर्वाचनका लागि सञ्चारकर्मीसँग अन्तरक्रिया शैक्षिक शहिद खनालको स्मृतिमा मानवसेवाका आश्रितलाई भोजन पुराना अनुहारसँगै पर्सामा १०५ को उमेद्वारी दर्ता सप्तरीमा सरकारी जागिर छाडेर चुनावी मैदानमा डा. चौधरी सिरहामा ‘एचपिभी’ खोप अभियान दुई चरणमा सञ्चालन हुँदै ‘निर्वाचन प्रहरी’को पोसाक खरिदमा ४० करोडको घोटाला