प्रेस स्वतन्त्रताको पक्षमा महासंघको आन्दोलन घोषणा

काठमाडौं । नेपाल पत्रकार महासंघले प्रेस तथा अभिव्यक्ति स्वतन्त्रतामाथि सरकारी हस्तक्षेप बढेको भन्दै आन्दोलनका कार्यक्रम घोषणा गरेको छ ।

महासंघले समाचार कक्षमै प्रहरी प्रवेश गरी पत्रकारमाथि धरपकड गरिएको, प्रेस काउन्सिल ऐनसम्बन्धी अध्यादेशमार्फत प्रेस स्वतन्त्रता नियन्त्रण गर्न खोजिएको तथा सञ्चारमाध्यममा पत्रकारको श्रम अधिकार उल्लंघन भएको भन्दै आन्दोलन घोषणा गरेको हो ।

महासंघका महासचिव रामप्रसाद दाहालले जारी गरेको आन्दोलनका कार्यक्रमअनुसार २ मंसिरमा प्रधानमन्त्रीलाई ध्यानाकर्षणपत्र बुझाइनेछ । ५ मंसिरमा संसद्मा प्रतिनिधित्व गर्ने सबै राजनीतिक दलका प्रमुखलाई ध्यानाकर्षणपत्र पठाउने कार्यक्रम छ ।

त्यस्तै, ५ र ६ मंसिरमा शान्ति र लोकतन्त्रका लागि पेशागत सञ्जाल (पापड) सँग छलफल गर्ने तथा ७ मंसिरमा सबै जिल्ला शाखाले सञ्चारसम्बद्ध संघसंस्थासँग छलफल गर्ने महासंघले जनाएको छ । ९ मंसिरमा भने सबै जिल्ला शाखाको आयोजनामा जिल्ला प्रशासन कार्यालयमा ‘पत्रकारलाई सामूहिक गिरफ्तार गर’ भन्ने ब्यानरसहित भेला हुने कार्यक्रम तय गरिएको छ ।

महासंघले सञ्चारमाध्यममा अनधिकृत रूपमा गाडी तेस्र्याउनेमाथि कारबाही नभएको, गोरखापत्रलगायत सरकारी तथा निजी सञ्चारमाध्यमबाट पत्रकारलाई जबर्जस्ती निष्कासन गरिएको र श्रम अधिकार उल्लंघन भइरहेको आरोप लगाएको छ ।

त्यस्तै, लोककल्याणकारी विज्ञापनबापत पत्रपत्रिकाले प्राप्त गर्ने रकम प्रेस काउन्सिल नेपालको सिफारिसअनुसार उपलब्ध नगराइएको भन्दै महासंघले सरकारको व्यवहार प्रेस तथा अभिव्यक्ति स्वतन्त्रताको संरक्षणप्रति अनुदार रहेको निष्कर्ष निकालेको छ ।

तपाइको प्रतिक्रिया
(Visited 1 times, 1 visits today)

epaper

ताजा समाचार

प्रेस स्वतन्त्रताको पक्षमा महासंघको आन्दोलन घोषणा