काठमाडौं । हास्यप्रधान जनरामा निर्माण गरिएको चलचित्र ‘लाइफ ड्यामेज’ १ जेठमा आउने भएको छ । बुधबार काठमाडौँमा एक समारोहबिच यो चलचित्रको नृत्य प्रधान गीत ‘ब्युटिफुलम…’को भिडियो भिडियो सार्वजनिक गर्दै १ जेठको रिलिज मिति घोषणा गरिएको हो ।

सार्वजनिक गीतमा एसडी योगीको संगीत, आदर्श सुशीलको शब्द रचना, एसडी योगी र रेश्मा पुनको स्वर रहेको छ । यो गीतको भिडियोको कोरियोग्राफी किरण थापाले गरेका हुन् ।

कन्टेन्ट क्रियटर निमेष श्रेष्ठले यो चलचित्र निर्देशन गरेका हुन् । चलचित्रमा निर्देशक निमेष आफैँ अभिनेत्री सुरक्षा पन्तको जोडी बनेर प्रस्तुत भएका छन् । २०८२ मा सफल चलचित्र दिन नसकेकी सुरक्षाले ‘लाइफ ड्यामेज’बाट आफू सफलता प्रति आशावादी रहेको कार्यक्रममा बताइन् ।

फन रिभोलुसन इन्टरटेनमेन्टको ब्यानरमा निर्माण भएको चलचित्रमा सुरक्षा पन्त र निमेष श्रेष्ठसँगै ईशा थापा, सञ्जना महर्जन, अमोघ अर्याल, अनीश जंग थापा, अजय पन्त, सविन बास्तोला र निरु खड्कालगायत कलाकारहरूको अभिनय रहेको छ । चलचित्रमा प्रवीण खड्काको छायांकन, बिकेन कार्कीको सम्पादन, बटरफ्लाई फिल्म्सको वितरण रहेको छ ।

सम्बन्धित समाचार

पहिलो उपन्यास ‘सलह’ लिएर आए कवि श्रवण ‘जन नायकन’ रिलिज नहुँदै अनलाइनमा पाइरेसी विन्ध्यवासिनीद्वारा शम्भुजीतलाई १ लाखसहित लाइफ टाइम एचिभमेन्ट अवार्ड विष्णु विवेकको पुस्तक ‘घाटगाउँ’ अमेरिकामा पनि विमोचन कर्णालीका लोक, नृत्य र नाटक नौमूलेमा प्रदर्शन हुने रोधी घरमा नाच्दै राजेश र करिश्मा ग्याङ फाईटमा ‘पारी बुटोल’ कलाकारितासँगै राजनीतिमा फेरी फर्कन चाहन्छन् प्रकाश सपुत