काठमाडौं । निर्देशक गणेश देव पाण्डेले नयाँ चलचित्र ‘पारी बुटोल’को टिजर सार्वजनिक गरेका छन् । यो चलचित्र ग्याङ स्टार जनरामा निर्माण भएको यसको टिजरले जनाएको छ । यस अघि पनि ग्याङ स्टार जनरामा लचचित्र ‘गाँजा बाजा’ बनाएका गणेश देवको यो चलचित्र पनि सोही जनरामा आधारित छ । उनको यो पाचौँ निर्देशनको चलचित्र हो ।

बुटोल भन्ने ठाउँका दुई ग्याङबीचको झडपलाई टिजरमा केन्द्रीय कथा बनाइएको छ । त्यो लडफाले निम्त्याएको समस्याहरुमा कथा प्रस्तुत छ । जसमा ग्याङ फाइटलाई महत्व दिइएको छ । अनुप बराज, दीया मास्के र सुशील सिटौलाको गेटअप तथा अभिनयले यो चलचित्रमा उनीहरु ग्याङ स्टार भएको जनाउँछ ।

यो चलचित्रमा अनुप, दीया र सुशील सिटौला सहित अविरल प्रताप अधिकारी, कामेश्वर चौरासिया, दिव्य देव, आकांक्षा केसी, किरण श्रेष्ठ, अदिती शेर्पा, आदि मिश्र लगायतका कलाकारहरूको पनि अभिनय रहेको छ ।

‘पारी बुटोल’ केवल ग्याङ्स्टर चलचित्र मात्र नभएर यो सामाजिक कथामा आधारित चलचित्र भएको पनि निर्देशक पाण्डेले बताए । यस चलचित्रका लेखक पनि निर्देशक पाण्डे नै हुन् ।

चलचित्रको कथा’bout निर्देशक पाण्डले भने,‘यो युवापुस्ताको कथामा आधारित चलचित्र भएकाले यसले दर्शकलाई एकदमै स्थानीयपन र यथार्थपरक अनुभूति दिने छ । युवाहरूको परिवार, संघर्ष र सफलता प्राप्त गर्ने होडमा उनीहरूले सामना गर्नुपर्ने चलखेललाई सामान्य बनाउने प्रयास यसका कथामा गरिएको छ ।’

यो चलचित्रमा महेश पौडेलको छायांकन, जटावेदा बेनर्जीको पाश्र्व संगीत र ¥यापर सुरज क्षेत्री (भ्योमा)को गीत छ । ल्याक्सी श्रेष्ठ यसको निर्मातामा रहेका छन् । यसमा लोकेश बज्राचार्यको सम्पादन तथा एनबी महर्जनको द्वन्द्व निर्देशन छ । यस्तै सह निर्मातामा मनिषा अधिकारी छन् ।

सम्बन्धित समाचार

उषा खड्गीको जाहेरीपछि जीपी तिमल्सिना पक्राउ श्रष्टा सुवेदीलाई ‘चुडामणि साहित्य पुरस्कार’ चलचित्र ‘कुम्भ’ले रोज्यो प्रदर्शन मिति पहिलो उपन्यास ‘सलह’ लिएर आए कवि श्रवण राष्ट्रिय कौराहा सम्मेलन सुरु ‘परालको आगो’ ट्रेलरमा लोग्ने स्वानीको झगडा प्रसँग रोधी घरमा नाच्दै राजेश र करिश्मा ‘वल्ड अफ डान्स नेपाल २०२६’ सुरु