रसुवा । नेपाल–चीन सीमा नाका रसुवागढी हुँदै पवित्र धार्मिकस्थल मानसरोवर तथा कैलाश पर्वतको तीर्थयात्रा सुरु भएको छ ।

यस याममा हालसम्म तीन सय तीर्थयात्री चीनको केरुङ नाका हुँदै मानसरोवरतर्फ प्रस्थान गरिसकेको अध्यागमन कार्यालय टिमुरेले जनाएको छ।

कार्यालयका निमित्त प्रमुख मेघनाथ शर्माका अनुसार यस वर्ष भारतीय, रुसी तथा बेलायतका नागरिकसमेत मानसरोवर यात्रामा सहभागी भएका छन्।

गत वर्ष रसुवागढी नाका भएर ११ हजार ३८१ तीर्थयात्री मानसरोवर, कैलाश गएको अध्यागमन कार्यालयको तथ्याङ्कले देखाएको छ।

यात्रु आगमन बढेसँगै भिसा शुल्कबाट राजस्व सङ्कलन पनि उल्लेखनीय रूपमा वृद्धि भएको छ। चालु आवको नौ महिनामा मात्र रु ३० लाख राजस्व सङ्कलन भइसकेको छ भने गत वर्षको कुल वार्षिक राजस्व रु ११ लाख २८ हजार २५० सङ्कलन भएको जनाइएको छ।

हिन्दू, बौद्ध तथा बोन धर्मावलम्बीका लागि मानसरोवर पवित्र तीर्थस्थल मानिन्छ ।

सम्बन्धित समाचार

वीरगञ्जमा अतिक्रमित संरचना भत्काउन सुरु कर्णालीमा बेपत्ता बाबु छोराको शव भेटियो उदयपुरको बेल्टार बजारमा आगलागी देशभरका सरकारी कार्यालयमा विद्युतीय हाजिरी अनिवार्य गर्न परिपत्र विद्युतीय सवारीसाधन रूपान्तरणमा सरकारी सहयोगमा जोड पत्रकार महासंघ जिल्ला शाखाद्वारा प्रजिअमार्फत् प्रधानमन्त्रीलाई ज्ञापनपत्र पञ्चकन्या गाउँपालिकाले लगाएको चियाको व्यावसायिक उत्पादन सुरु पूर्वीनाका काँकडभिट्टाबाट सात हजार ६४२ पर्यटक भित्रिए