काठमाडौं । ठाटीकाँध गाउँपालिकाले सामुदायिक विद्यालयहरूको समायोजन तथा तह मिलान गर्ने निर्णय कार्यान्वयनमा ल्याउने भएको छ। गाउँ शिक्षा समितिको निर्णयअनुसार शैक्षिक सत्र २०८३ देखि केही आधारभूत विद्यालयहरू नजिकका माध्यामिक विद्यालयमा समायोजन हुने तथा कतिपय विद्यालयमा कक्षा १–५ बाट १–३ मा तह घटाएर सञ्चालन गरिने भएको छ ।

गाउँपालिकाले सार्वजनिक गरेको सुचनाअनुसार बालविकास केन्द्रहरू पनि मातृ विद्यालयमा समायोजन गरिनेछन् भने विद्यार्थीहरूको आइएमआइएस विवरण सम्बन्धित विद्यालयमा स्थानान्तरण गर्नुपर्नेछ । समायोजन भएका विद्यालयका शिक्षक तथा कर्मचारीलाई सम्बन्धित विद्यालयमै हाजिर भई कामकाज गर्ने व्यवस्था गरिएको छ ।

गाउँपालिकाले विद्यालय समायोजनलाई शैक्षिक गुणस्तर सुधार, स्रोतको प्रभावकारी उपयोग र व्यवस्थापन सुदृढीकरणका लागि महत्वपूर्ण कदम भएको जनाएको छ।

सम्बन्धित समाचार

हुलाकबाट घरमै राहदानी स्कुल बस निर्देशिका कार्यान्वयन गर्न निर्देशन विषाक्त खानाका कारण ९३ जना बिरामी, ५० जनाको उपचार हुँदै ‘छायानाथ ट्रेलरअल्ट्रा म्याराथन २०२६’ सुरु प्रजनन स्वास्थ्यमा कानुनी अड्चन हटाउन सरोकारवालाको जोड त्रिदेशीय महत्वको ‘महाबु सडक’ निर्माणमा जोड एक लाख ३६ हजार पशुलाई खोप सडक किनारका जोखिमयुक्त रुख हटाउँदै वन कार्यालय