काठमाडौं । सत्तारुढ दल राष्ट्रिय स्वतन्त्र पार्टी (रास्वपा) सभापति रवि लामिछाने ५ दिन लामो भारत भ्रमणबाट फर्किएका छन् । उनले आफ्नो भ्रमण उपलब्धीमूलक बनेको बताए ।

त्रिभुवन विमानस्थलमा पत्रकारसँग कुरा गर्दै लामिछानेले भारतीय पक्षहरुसँग आफूले पारदर्शी ढंगले विभिन्न विषयमा कुराकानी गरेको बताए । उनले भने, ‘हरेक वैठकमा दुवै पक्षको प्रतिनिधिमण्डल सहभागी थिए । मेरो हरेक भेटवार्तामा दूतावासका कार्यवाहक राजदूत सहभागी हुनुभयो । कुनै पनि भेटघाट अपारदर्शी भएन ।’

लामिछानेसामु नेपाल–भारत सीमा समस्या’bout पनि सोधिएको थियो । द्वीपक्षीय भेटवार्तामा सीमा समस्या’bout किन केही पनि कुरा गर्नुभएन भन्ने पत्रकारको प्रश्नमा उनले लामो जवाफ दिए ।

उनले भने, ‘दुई देशबीचका कुनै पनि विषय कुटनीतिको माध्यमबाट, कुटनीतिक च्यानललाई एक्टिभ गराउनु सबैभन्दा महत्वपूर्ण हुन्छ । तीनको आवाज एकदमै हल्ला गरेजस्तो, ढोल बजाएर हुँदैन । ढोल नबजाइकन आफ्नो देशको कुराहरु चरणवद्ध तरिकाले गर्नुपर्छ ।

अभियन्ताले र पत्रकारले उठाउने विषय तथा सबैभन्दा बढी जनताले पत्याएको राजनीतिक दलले उठाउने विषयको फरक–फरक जिम्मेवारी र संवेदनशीलतालाई बुझ्न सकिएन भने कुटनीतिमा त्यसको महत्व हुँदैन । लोकप्रियताका लागि त त्यो सजिलो हुन्छ ।

समस्या समाधान गर्न चरण हुन्छ । तर कुटनीतिका चरण हुन्छन् । सही ठाउँमा, सही ढंगले आफ्ना कुरा राख्न नेपालले हिजो पनि सुरु गरेको थियो, आज पनि गरेको छ, ती कुराहरु कुटनीतिक माध्यमबाट अघि बढ्ने भएकाले मिडियाका चासोभन्दा संवेदनशील भएर अघि बढेका हुन्छन् । त्यस ढंगले कुराहरु अघि बढ्यो ।’

सम्बन्धित समाचार

लामिछानेविरूद्धको सम्पत्ति शुद्धीकरण र संगठित अपराध कसुरलाई फिर्ता गर्ने आदेश नागरिकको दैनिक जीवनस्तर उकास्न सरकार प्रतिबद्ध छः प्रधानमन्त्री प्रतिनिधिसभा बैठकमा अमर्यादित गतिविधि गर्नेमाथि सभामुख कारबाही गर्ने तयारी रास्वपा सभापति लामिछाने र भारतीय विदेशमन्त्रीबीच भेटवार्ता बालेनले संसद्‍मा राष्ट्रघाती अभिव्यक्ति दिए : अध्यक्ष ओली समृद्धिको ढोका खोल्न नयाँ दिल्ली आएको हुँ : रवि लामिछाने तत्कालीन गृहमन्त्री गुरुङमाथिको छानबिन समितिले बुझायो प्रतिवेदन ढाका उद्योगमार्फत आत्मनिर्भर बन्दै तमानखोलाका महिला