काठमाडौं । प्रधानमन्त्री बालेन शाहले सामाजिक सञ्जालमा गरेको एक स्टाटसलाई लिएर आलोचना भएपछि त्यस’bout प्रष्टीकरण दिएका छन् । सामाजिक सञ्जालमार्फत उनले लेखेका छन्, ‘हप्ता भरी काम गरेर म बिदाको दिन जिस्किन्छु, यो समस्या हैन ।’ उनले अगाडि भनेका छन्, ‘दुःख त्यो दिन मान्नु, जुन दिन म जिस्किन छोड्छु ।’

प्रधानमन्त्रीको उक्त प्रतिक्रियापछि सामाजिक सञ्जालमा समर्थक र आलोचकबीच थप बहस सुरु भएको छ । केहीले यसलाई सामान्य ठट्टाका रूपमा व्याख्या गरेका छन् भने केहीले प्रधानमन्त्रीजस्तो जिम्मेवार पदमा रहेका व्यक्तिको अभिव्यक्तिप्रति थप संवेदनशीलता आवश्यक रहेको टिप्पणी गरेका छन् ।

कसैले उक्त तस्बीरको राजनीतिक अर्थ खोजिरहेका छन् भने कसैले नजिकिँदै गरेको राष्ट्रिय स्वतन्त्र पार्टीको प्रथम महाधिवेशनसँग पनि जोडेर विश्लेषण गरेका छन् । यही विषयलाई लिएर प्रधानमन्त्री शाहले थप स्पष्टिकरण दिँदै आफ्नो अभिव्यक्तिलाई गम्भीर राजनीतिक सन्देशका रूपमा नबुझ्न आग्रह गरेका छन् ।

प्रधानमन्त्री शाहले आइतबार साँझ गृहमन्त्री सुधन गुरुङ र भौतिक पूर्वाधार मन्त्री सुनिल लम्सालसँगको तस्वीर सामाजिक सञ्जालमा सार्वजनिक गर्दै ‘देश बनाउने टोली’ भन्ने क्याप्सन लेखेका थिए । उक्त स्टाटस सार्वजनिक भएपछि क्याबिनेटका अन्य सदस्यलाई उपेक्षा गरिएको वा हेपिएको आशय व्यक्त गर्दै सामाजिक सञ्जालमा विभिन्न प्रतिक्रिया आएका थिए ।

सम्बन्धित समाचार

रास्वपा सभापति लामिछाने र भारतीय प्रधानमन्त्री मोदीबिच भेटवार्ता अनुसन्धानको दायरामा ५० हजार तर विवरण भर्ने जम्मा ६ सय ‘आइतबारको बिदा खारेज गर्न लागिएको होइन’ राजदरबार हत्याकाण्डको छानबिन प्रक्रिया अघि बढाउने गृहमन्त्री गुरुङको घोषणा नेपाल–भारत सीमा समाधान कूटनीतिक वार्ताबाट गर्ने सरकारको प्रतिबद्धता दीपक भट्ट, सुलभ अग्रवाल र शेखर गोल्छाविरूद्ध तीन फरक अदालतमा मुद्दा दायर