चितवन । राष्ट्रिय स्वतन्त्र पार्टी (रास्वपा)को प्रथम महाधिवेशनमा उम्मेदवारले प्रचारका क्रममा गरेको फोहर सरसफाइ गरिएको छ। रास्वपाका उम्मेदवारहरूले अन्य नेता कार्यकर्ताको सहकार्यमा सरसफाइ गरेका हुन्।

प्रतिनिधिसभा सदस्य एवं रास्वपाका केन्द्रीय सदस्यका उम्मेदवार केपी खनाल, अर्का उम्मेदवार एवं प्रधानमन्त्री वालेन्द्र शाहका प्रमुख राजनीतिक सल्लाहकार असिम शाह र अर्का उम्मेदवार प्रधानमन्त्रीका नीति, प्रशासन तथा सुशासन सल्लाहकार सुदीप ढकालसहितका उम्मेदवार एवं प्रतिनिधिले सरसफाइ गरेका हुन्।

रास्वपाको बन्दसत्र गरिएको उद्योग सङ्घको गेट बाहिरको फोहर तीन जना उम्मेदवारसहितका रास्वपा नेता कार्यकर्ताले सरसफाइ गरेका हुन्। सो क्षेत्रमा छरिएका उम्मेदवारका ‘भिजिटिङ कार्ड’, पर्चा पम्प्लेट, पानीका बोटललगायत फोहर उनीहरूले सफा गरेका हुन् । खनालले राजनीतिक फोहर मात्रै होइन हामीले गरेका अन्य फोहर पनि सफा गर्नुपर्ने भन्दै सरसफाइमा जुटेको बताए ।

उनले भने, “हामीलाई भोट हालेका जनताले हामीले फोहर गरेको देख्न चाहँदैनन्। चितवन महाधिवेशनमा अत्यधिक फोहर देखेर हामीले सफा गरेका हौँ।” हरेक नेपालीको घरघरसम्म रास्वपाले फोहर गर्दैन भन्ने सन्देश प्रवाहका लागि उम्मेदवार अशिम साह, सुदीप ढकालसहित आफूहरूले सरसफाइ गरेको बताए। उनले भने, “हामी फोहर गर्ने होइन सफा गर्ने मान्छे हो ।”

सम्बन्धित समाचार

प्रतिनिधिसभा बैठक २ बजेलाई सर्‍यो भारत भ्रमण’bout परराष्ट्रमन्त्री शिशिर खनालले दिए संसदलाई जानकारी नेपाल–भारत सीमा समाधान कूटनीतिक वार्ताबाट गर्ने सरकारको प्रतिबद्धता मल अभाव हुन नदिन सरकार सचेत छः मन्त्री चौधरी रास्वपा मधेश प्रदेश जिल्ला अधिवेशन पर्साको मात्र सम्पन्न प्रहरी सङ्गठन जनताका पहिलो सरकार होः मुख्यमन्त्री कार्की रास्वपा महाधिवेशन : ७ हजार बढी कुर्सी अट्ने बाँसको ‘डोम’ बनाइँदै ‘चिया पिउन भ्याउनेले चिया किसानको समस्या समाधान किन नगरेकाे ?’