काठमाडौं । राष्ट्रिय स्वतन्त्र पार्टी (रास्वपा) को महाधिवेशनमा पहिलो चरणको मतदान सकिएको छ।

बिहीबार मध्याह्न साढे १२ बजे मतदान सकिएको केन्द्रीय निर्वाचन आयोगले जनाएको छ। आयोग मध्याह्न १२ बजेसम्म मतदान गर्ने समय तोकेको थियो। गए राति १२ बजेदेखि मतदान सुरु भएको थियो।

रास्वपा प्रवक्ता मनिष झाले तीन हजार एक सयको मत खसेको प्रारम्भिक विवरण रहेको बताए। रास्वपा महाधिवेशनमा चार हजारभन्दा बढी प्रतिनिधि सहभागी थिए ।

बिहीबार मध्याह्न रास्वपा सभापति रवि लामिछाने पनि मतदान गर्न पुगेका थिए। उनले अन्तिम समयमा मतदान गरेका थिए।

रास्वपा विधानअनुसार, पहिलो चरणमा सभापति र केन्द्रीय सदस्यका लागि निर्वाचन हुन्छ। सभापतिमा लामिछाने निर्विरोध निर्वाचित भएका थिए भने केन्द्रीय सदस्यका लागि मतदान भएको हो।

दोस्रो चरणमा पदाधिकारी चयन गर्ने व्यवस्था रहेको छ। केन्द्रीय सदस्यको मतगणना सम्पन्न भएपछि पदाधिकारी निर्वाचन प्रक्रिया सुरु हुने केन्द्रीय निर्वाचन आयोगका प्रमुख भुवन केसीले जानकारी दिए।

सम्बन्धित समाचार

अर्थमन्त्रीले संसद्लाई धम्क्याए : पूर्वअर्थमन्त्री पुन परराष्ट्रमन्त्री शिशिर खनाल आइतबार चीन भ्रमणमा जाँदै कामपाको नीति तथा कार्यक्रमः फोहोरमैला व्यवस्थापन उच्च प्रथामिकतामा पाठ्यक्रमलाई समयसापेक्ष बनाइन्छः मन्त्री पोखरेल आजको मन्त्रिपरिषद् बैठकका यस्ता छन् निर्णय रास्वपा महाधिवेशनमा गगन देखि बाबुरामसम्म अद्यावधिकको नाममा सदस्यता खारेज गर्ने निर्णय अलोकतान्त्रिक भएको आरोप प्रतिनिधिसभा बैठक किन भयो स्थगित?