काठमाडौं । अस्ट्रियालाई पराजित गर्दै स्पेन फिफा विश्वकप फुटबल २०२६ को अन्तिम १६ मा पुगेको छ ।

अमेरिकाको लस एन्जल स्टेडियममा आज भएको खेलमा अस्ट्रियालाई ३–० गोलअन्तरले पराजित गर्दै विश्वकपको अन्तिम १६ मा स्थान बनाएको हो ।

स्पेनले १६ वर्षपछि विश्वकपको नकआउट चरणमा पहिलो जित हासिल गरेको हो । सन् २०१० को विश्वकप जिते यता स्पेनले विश्वकपको नकआउट चरणमा जित हासिल गर्न सकेको थिएन ।

स्पेनले खेलको ३६औँ मिनेट मार्क कुकुरेलाको पासमा मिकेल ओयार्जाबालले गोल गर्दै स्पेनलाई सुरुवाती अग्रता दिलाए । खेलको ६६औँ मिनेटमा अलेक्स बाएनाको क्रसमा पेड्रो पोरोले हेडमार्फत गोल गर्दै स्पेनको अग्रता दोब्बर बनाए ।

त्यसपछि खेलको ८९औँ मिनेटमा कुकुरेलाकै अर्को उत्कृष्ट पासमा ओयार्जाबालले व्यक्तिगत दोस्रो गोल गरेपछि स्पेनले ३–० को सहज जित निकाल्यो ।

सम्बन्धित समाचार

५२ वर्षपछि विश्वकपमा फर्किएको कंगोले रच्यो इतिहास चालू विश्वकपमा भारतीय मूलका ४ खेलाडी फिफा विश्वकप खेलेको ९२ बर्षपछि इजिप्टको पहिलो जीत विश्वकप फुटबल २०२६ : इजिप्ट समूह जीको शीर्ष स्थानमा एनपीएलको अक्सन मिति घोषणा रोनाल्डो चम्किँदा पोर्चुगल विजयी, उज्वेकिस्तान ५–० ले पराजित ललितपुरविरुद्ध पोखरा महानगरपालिका ७ विकेटले विजयी विश्वकप फुटबल मैदानमा देखिएका फरक दृश्य