काठमाडौं । रोमाञ्चक खेलमा १० खेलाडीमा समेटिएको इंग्ल्यान्डले सहआयोजक मेक्सिकोलाई ३-२ ले पराजित गर्दै फिफा विश्वकप २०२६ को क्वाटरफाइनलमा प्रवेश गरेको छ । इंग्ल्यान्डले अब अमेरिकाको मियामी गार्डेन्समा नर्वेसँग क्वाटरफाइनल खेल्नेछ ।

८० हजारभन्दा बढी दर्शक उपस्थित मेक्सिको सिटीस्थित प्रतिष्ठित एस्टाडियो एज्टेकामा बेलिङ्घमले ९८ सेकेन्डको अन्तरमा दुई गोल गर्दै घरेलु समर्थकलाई स्तब्ध बनाए। उनले ३६औं मिनेटमा हेडमार्फत पहिलो गोल गरे भने ३८औं मिनेटमा ह्यारी केनको पासलाई सदुपयोग गर्दै व्यक्तिगत दोस्रो गोल पूरा गरे। मेक्सिकाका लागि जुलियन किन्योनेसले ४२औं मिनेटमा गोल गर्दै खेललाई प्रतिस्पर्धात्मक बनाए।

दोस्रो हाफको ५४औं मिनेटमा इङ्ग्ल्यान्डका डिफेन्डर जारेल क्वान्साहले जेसुस गालार्डोमाथि खतरनाक ट्याकल गरेपछि रातो कार्ड पाउँदै मैदानबाट बाहिरिए। त्यसपछि १० खेलाडीमा सीमित भएको इङ्ग्ल्यान्ड दबाबमा परेको थियो।

तर‚ त्यसको केही समयपछि मेक्सिकाका गोलरक्षक राउल राङ्गेलको चुनौतीपछि इङ्ग्ल्यान्डले पेनाल्टीको अवसर पायो। कप्तान ह्यारी केनले पेनाल्टीलाई गोलमा परिणत गर्दै टोलीलाई ३–१ को अग्रता दिलाए।

राउल जिमेनेजले सफल प्रहार गर्दै खेललाई ३–२ मा ल्याए। यससँगै सन् १९६६ यता विश्वकप इतिहासमा एउटै खेलमा गोल गर्ने र विपक्षीलाई पेनाल्टी दिलाउने पहिलो खेलाडी पनि केन बने। खेलको अन्तिम २१ मिनेट तथा ११ मिनेटको इन्जुरी समयमा मेक्सिकोले लगातार आक्रमण गरे पनि इङ्ग्ल्यान्डका गोलरक्षक जोर्डन पिकफोर्ड र रक्षापंक्तिले उत्कृष्ट प्रदर्शन गर्दै टोलीको अग्रता जोगाए।

यस हारसँगै मेक्सिकोको विश्वकप यात्रा समाप्त भएको छ। घरेलु मैदानमा खेल्दै आएको मेक्सिको सन् १९८६ यता पहिलो पटक पनि क्वार्टरफाइनल पुग्न असफल रह्यो। त्यसयता टोली आठौं पटक प्रि–क्वार्टरफाइनलबाट बाहिरिएको हो भने सन् २०२२ मा समूह चरणबाटै बाहिरिएको थियो। साथै, सन् १९९० को विश्वकपमा मेक्सिको अयोग्य घोषित भएको थियो।

सम्बन्धित समाचार

काठमाडौंमा वर्ल्डकप क्रेज (फोटोफिचर) नेदरल्यान्ड पराजित, मोरक्को अन्तिम १६ मा प्रवेश हाल्यान्डको २ गोलमा ब्राजिल स्तब्ध, (ब्राजिल १–२ नर्बे) टिपरमा च्यापिँदा युवकको मृत्यु शिक्षामन्त्रीद्वारा रास्वपा केन्द्रीय सदस्यमा उम्मेदवारी रास्वपा महाधिवेशनमा ५ वटा प्रतिवेदन रास्वपाले फेरि हेरफेर गर्‍यो निर्वाचन तालिका ‘बर्थ डे’ सँघारमा मेस्सीको कीर्तिमानी रात