चितवन । चितवन राष्ट्रिय निकुञ्ज आसपासमा रहेका बस्तीमा वन्यजन्तुले पुर्‍याएको क्षतिबापत एक करोड २९ लाख ९८ हजार ३०७ राहत वितरण गरिएको छ । वन्यजन्तुका कारण भएको मानवीय क्षतिसहित अन्न बाली तथा पशुधन क्षतिबापत सो रकम राहत वितरण गरेको हो ।

निकुञ्जका सूचना अधिकारी अविनाश थापा मगरका अनुसार गत आर्थिक वर्षमा वन्यजन्तुको कारण मानिसमा सामान्य क्षति भएको उपचारका लागि एक लाख ३४ हजार १७६, गम्भीर घाइतेको उपचारका लागि २९ लाख ४२ हजार ४८१, पाँच जना मानिसको मृत्यु भएको र उनीहरूलाई ५० लाख राहत प्रदान गरिएको छ ।

यस्तै वन्यजन्तुबाट पशुधनमा भएको क्षतिबापत २३ लाख ६० हजार २००, भण्डारण गरेको अन्न क्षतिबापत रु ७० हजार, घरगोठ क्षतिबापत तीन लाख ३९ हजार ६५०, अन्न बाली क्षतिबापत २१ लाख आठ हजार ३००, कुखुरा क्षतितर्फ ४३ हजार ५०० राहत वितरण गरिएको उनले जानकारी दिए ।

निकुञ्जको मध्यवर्ती क्षेत्र आसपासमा बसोबास गर्ने नागरिकलाई वन्यजन्तुले पुर्‍याएको क्षतिबापत हरेक वर्ष राहत प्रदान गर्दै आएको छ ।

सम्बन्धित समाचार

मानव–वन्यजन्तु द्वन्द्व न्यूनीकरणमा मन्त्री चौधरीको जोड अर्घाखाँचीका वनक्षेत्रमा रिचार्ज पोखरी निर्माण जग्गा खोजीमै अड्कियो बेनीको ‘ल्याण्डफिल साइट’ तीनढ्वाङ्गे पुलबाट जोखिमपूर्ण यात्रा टीकापुर उद्यानमा पर्यटकको आकर्षण सरकारले जोखिमको अवस्था हेरेर मात्रै सवारीसाधन चलाउन दिने गोरु पाल्ने किसानलाई प्रोत्साहन अनुदानसहित उन्नत जातको बीउबिजन