नेपालगञ्ज । नेपालगञ्ज उपमहानगरपालिकामा आज एकैदिन छ वटा शालिक अनावरण गरिएको छ । नेपालगञ्ज उपमहानगरपालिकाका प्रमुख प्रशान्त विष्टले जेनजी आन्दोलनका क्रममा तोडफोड गरिएका ती ऐतिहासिक शालिकको अनावरण गरेका हुन् ।

स्व पूर्वप्रधानमन्त्री सुशील कोइरालाको शालिकसँगै स्व गणेशमान सिंह, बिपी कोइराला, नेकपाका संस्थापक महासचिव पुष्पलाल श्रेष्ठ, तत्कालीन राजा वीरेन्द्र शाह तथा सहिद सेतु विकका पुनर्निर्माण गरिएका शालिक नेपालगञ्जका अलगअलग स्थानमा पुनः स्थापित भएका हुन् ।

अनावरण कार्यक्रममा नगरप्रमुख विष्टले इतिहासको सम्मानका साथै ऐतिहासिक व्यक्तित्वको योगदानलाई स्मरण गर्दै नयाँ पुस्तालाई इतिहासप्रति सचेत गराउने उद्देश्यले शालिक पुनर्निर्माण गरिएको बताए । उनले भने, “यी हाम्रा धरोहर हुन् जसले इतिहासलाई जीवन्त राख्ने छन् ।”

अनावरण कार्यक्रममा जिल्लाका विभिन्न राजनीतिक दलका नेताकार्यकर्ताको सहभागिता थियो । स्व पूर्वप्रधानमन्त्री कोइरालाका बाहेक अन्य पाँच वटा शालिक निर्माणमा करिब रु २५ लाख खर्च भएको नेपालगञ्ज उपमहानगरपालिकाले जनाएको छ ।

सम्बन्धित समाचार

जग्गा खोजीमै अड्कियो बेनीको ‘ल्याण्डफिल साइट’ गण्डकी प्रदेशमा सर्पदंशका विरामी वृद्धि उदयपुर सिमेन्ट महाप्रबन्धकविहीन, ६ करोडको सिमेन्ट अझै गोदाममै अन्तरराष्ट्रिय उडान आकर्षित गर्न पोखरा विमानस्थलमा छुट रुपा गाउँपालिकाको कृषि तथा पशु सेवा शाखा भवन उद्घाटन अवरुद्ध कालीगण्डकी करिडोर सञ्चालन साना नदीमा आकस्मिक बाढीको पूर्वानुमान तीनढ्वाङ्गे पुलबाट जोखिमपूर्ण यात्रा