चितवन । कृषि तथा वन विज्ञान विश्वविद्यालयअन्तर्गत निरन्तर शिक्षा केन्द्रद्वारा पशुपालन क्षेत्रमा ‘एन्टिबायोटिक’को जिम्मेवार प्रयोग, ‘एन्टिमाइक्रोबियल’ प्रतिरोध न्यूनीकरण र एक स्वास्थ्य अबधारणका विषयमा किसानलाई तालिम दिइएको छ ।

ती विषयमा एक स्वास्थ्य अवधारणालाई समुदायस्तरसम्म विस्तार गर्ने उद्देश्यले एसियाली विकास बैंक, जिनेक्स र साथगुरुको सहयोगमा उक्त तालिम दिइएको हो ।

एन्टिमाइक्रोबियल भन्नाले ब्याक्टेरिया, भाइरस, ढुसी (फङ्गस) र परजीवी जस्ता सूक्ष्मजीवलाई मार्ने वा वृद्धि रोक्ने औषधि हो । तालिममा चितवन र नवलपुर जिल्ला ५३ जना पशुपालक किसानको सहभागिता थियो । त्यसमध्ये ५० प्रतिशतभन्दा बढी महिलाको सहभागी थिए ।

त्यस अवसरमा कृषि तथा वन विज्ञान विश्वविद्यालय, पशु विज्ञान, पशुचिकित्सा तथा मत्स्य विज्ञान सङ्कायका डिन डा. शंकर बसैलाले पशुपालन क्षेत्रको दिगो विकासका लागि किसानमा वैज्ञानिक ज्ञान, जैविक सुरक्षा र जिम्मेवार औषधि प्रयोगको संस्कार विकास हुनु आजको आवश्यकता रहेको बताए ।

तालिमका अवसरमा कृषि तथा वन विज्ञान विश्वविद्यालयका रजिस्ट्रार तथा पशुचिकित्सा विषयका प्राध्यापक डा. सुवीर सिंह, पूर्वउपकुलपति प्राडा होमबहादुर बस्नेत, प्रा.डा. मनोजकुमार शाह, प्रा.डा. रेवन्तकुमार भट्टराई, डा. अनिलकुमार तिवारी, डा. शेखर पोखरेल र डा. रामकृष्ण यादवले विषयगत जानकारी र अन्तरक्रियात्मक प्रशिक्षण सञ्चालन गरेका थिए ।

त्यस अवसरमा किसानले आफ्नो दैनिक पशुपालन अभ्यासमा देखिएका रोग व्यवस्थापन, एन्टिबायोटिकको उचित प्रयोग, खोप, जैविक सुरक्षा, पशु स्वास्थ्य, उत्पादन व्यवस्थापन तथा अन्य व्यावहारिक समस्यासम्बन्धी जिज्ञासा राखे ।

सम्बन्धित समाचार

हेटौँडा सहिद स्मारकमा गत आवमा पाँच लाख पर्यटक पर्यटकको रोजाइमा त्रिवेणी पाटन चितवन राष्ट्रिय निकुञ्जले बाँड्यो एक करोड २९ लाख राहत सवारी चालक अनुमतिपत्रको छपाई तथा वितरण प्रदेशबाटै हुनेगरी तयारी गरिँदै बागमतीका १३ वटै जिल्लाका उद्योग प्रशासन डिजिटल प्रणालीमा सवारी रोकेर तुइन खोलाको ढिस्को हटाइँदै साउनको दोस्रो सोमबार : पशुपतिनाथमा बिहानैदेखि भक्तजनको लर्काे जगेडा ग्यास नराख्न उद्योगीको आग्रह