काठमाडौं । सप्तरीको राजविराज र बोदेबरसाइन नगरपालिकामा लगाइएकोकर्फ्यु आदेश केही खुकुलो पारिएको छ ।

आइतबार बसेको जिल्ला सुरक्षा समितिको बैठकले आज बिहान ७ बजेदेखि बिहान ११ बजेसम्म दैनिक उपभोग्य सामग्री खरिद–बिक्री गर्न केही खुकुलो पारेको हो ।

जिल्ला प्रशासन कार्यालय सप्तरीका अनुसार, कार्यालयको अनुमति लिई र्‍याली गर्ने प्रयोजनका लागि पनि कफ्र्यु आदेश केही खुकुलो पारिएको हो ।

यद्यपि, सो समयमा हुलदंगा वा अशान्ति फैलाउने वा अन्य उद्देश्यले एकै ठाउँमा पाँचजनाभन्दा बढी मानिस बेला भई उछृंखल गतिविधि गरेको पाइए कानुनबमोजिम कारबाही गरिने जनाइएको छ ।

साथै बिहान ११ बजेपछि यसअघि जारी कर्फ्यु आदेश अर्को आदेश जारी नभएसम्म निरन्तर रहने पनि जनाइएको छ ।

सम्बन्धित समाचार

सुकुम्बासीलाई गृहजिल्ला फर्काउँदै सरकार विद्युत् प्रसारण लाइनको तार छोएर दुवै हात गुमाएका बालकलाई १५ लाख ७१ हजार क्षतिपूर्ति दुई लाख २३ हजारभन्दा बढी अवैधानिक एप बन्द ६ लाख ६५ हजार रुपैयाँसहित नेपाल सरकारका उपसचिव पक्राउ यात्रीलाई बासी खाना खुवाउने होटललाई २५ हजार रुपैयाँ जरिवाना एकैदिन विपद्का ४२ घटना केन्द्रीय क्याम्पसबाट हाम फाले एक विद्यार्थी, उपचारका क्रममा मृत्यु ब्रोड पिक हिमाल आरोहणमा गएका पुर्जासहित सबै १० जना आरोहीको निधन