काठमाडौँ । नेपाली काँग्रेसको नीति, अनुसन्धान तथा प्रशिक्षण प्रतिष्ठानले थप ६ वटा उपसमिति गठन गरेको छ । प्रतिष्ठान प्रमुख विश्वप्रकाश शर्माले पार्टी सभापतिसँगको परामर्शमा प्रतिष्ठानअन्तर्गत गठन भएका उपसमितिको कामलाई प्रभावकारी बनाउन नयाँ संरचना थप गर्दै संयोजकको जिम्मेवारी तोकेका हुन् ।

प्रतिष्ठानअन्तर्गत हालसम्म ३१ वटा उपसमिति गठन भएका छन् । ती उपसमितिहरूमार्फत पार्टीको नीति निर्माण, अध्ययन, अनुसन्धान तथा विभिन्न क्षेत्रसँग सम्बन्धित विषयमा सुझाव संकलन गर्ने उद्देश्य राखिएको छ । नयाँ गठन भएका उपसमितिमध्ये अन्तर्राष्ट्रिय सम्बन्ध, समन्वय एवं सामयिक दृष्टि उपसमितिको संयोजकमा सुमित शर्मा ‘समीर’लाई जिम्मेवारी दिइएको छ ।

तोकियो संयोजकको जिम्मेवारी

त्यस्तै, उपभोक्ता अधिकार, अवस्था र न्याय समन्वय उपसमितिको संयोजक कैलाश केसी, यौनिक तथा लैंगिक अल्पसंख्यक सम्बन्धी नीति तथा कार्ययोजना उपसमितिको संयोजक प्रतीक्षा चापागाईँलाई तोकिएको छ । ज्येष्ठ नागरिक सेवा एवं गरिमा उत्थान उपसमितिको नेतृत्व अनुपा श्रेष्ठले गर्नेछिन् भने सिमान्तीकृत वर्ग र समुदाय : संवाद तथा सशक्तीकरण उपसमितिको संयोजकको जिम्मेवारी नरेन्द्र पासवानलाई दिइएको छ ।

यसैगरी स्थानीय तह सुशासन अध्ययन, अनुगमन तथा नीतिगत सुधार उपसमितिको संयोजकमा डोलराज भुसाललाई तोकिएको प्रतिष्ठानले जनाएको छ । प्रतिष्ठानले गठन गरेका उपसमितिहरूले सम्बन्धित क्षेत्रको अध्ययन, छलफल र नीतिगत सुझाव तयार गर्ने कार्य गर्ने जनाइएको छ ।

सम्बन्धित समाचार

यस्ता छन्- मन्त्रिपरिषद् बैठकका ७ निर्णय (सूचीसहित) ‘काँग्रेसले तीन पुस्तालाई सम्मान गरेर अघि बढ्न सक्नुपर्छ’ : भीष्मराज आङ्देम्बे कांग्रेसमा समानान्तर गतिविधि : संस्थापन ‘रुख जोगाउने’, इतर पक्ष ‘कांग्रेस जोगाउने’ कर्णालीमा नेकपाले एमाले नेतृत्वको सरकार नमान्ने, अविश्वास प्रस्तावको पक्षमा मतदान गर्ने रास्वपामा संघीय सांसदको स्वकीय सचिव बन्न एकाघरका सदस्य वा नजिकका नातेदारलाई पूर्णरूपमा निषेध (परिपत्रसहित) कुमार बेनको भारत भ्रमणवारे जानकारी छैनः परराष्ट्र मन्त्रालय अस्तित्वका लागि मिल्दै वामपन्थी कोशीमा एमालेले मुख्यमन्त्री फेर्ने