काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले केन्द्रीय समिति बैठक बोलाएका छन् ।

रास्वपा केन्द्रीय कार्यालय वनस्थलीमा भदौ ५ गते केन्द्रीय समिति बैठक बस्ने भएको हो । बैठकमा पदाधिकारी तथा केन्द्रीय सदस्य मनोनयनसम्बन्धी प्रस्ताव पेस गरी पारित गर्ने तयारी गरिएको छ ।

रास्वपामा एक उपसभापति, एक महामन्त्री, एक सहमहामन्त्री, एक प्रवक्ता, तीन सहप्रवक्ता, एक कोषाध्यक्ष र दुई सहकोषाध्यक्ष मनोनयन गर्न बाँकी छ ।

त्यस्तै २७ जना सचिवालय सदस्य र ५१ जना केन्द्रीय सदस्यसमेत मनोनयन गर्ने तयारी छ । बैठकमा सहभागी हुन केन्द्रीय सदस्यहरूलाई जानकारी गराइसकिएको रास्वपाले जनाएको छ ।

यसअघि साउन १३ गते बसेको रास्वपा केन्द्रीय समिति बैठकले बालेन्द्र शाहलाई वरिष्ठ नेता बनाउने प्रस्ताव पारित गरेको थियो ।

सम्बन्धित समाचार

कांग्रेस संसदीय दलको बैठक सुरु सुदूरपश्चिमका रास्वपा सांसदले प्रधानमन्त्रीलाई के-के समस्या सुनाए ? सुनसरी–सिरहा घटनाका मृतकलाई क्षतिपूर्ति र घाइतेको उपचार सरकारले गर्ने न्यायाधीशलाई राजीनामा दिन दबाब पारिएको भन्ने प्रचार भ्रामकः मन्त्री गौतम राजनीतिसँगै पुनः कानुनी विवादमा कांग्रेस देउवा फर्किनेवारे प्रहरीले भन्योः ‘हामी हेर्दैछौं’ हामी कीर्ते गरेर नेता बनेका होइन : प्रभु साह हङकङबाट बैंकक पुगे देउवा, विमानस्थलमा भव्य स्वागत गर्ने तयारी