धनगढी । बाजुरा जिल्ला अवस्थित प्रसिद्ध धार्मीक स्थल बडीमालिका मन्दिरमा पूजाआजाका लागि धनगढी उपमहानगरपालिकाको त्यसतर्फ प्रस्थान गरेको छ । शुक्रबार उपमहानगरका नगर प्रमुख गोपाल हमालको नेतृत्वमा सरकारी टोली त्यसतर्फ प्रथान गरेको हो ।

नगरप्रमुख हमालसहितको टोली दोस्रो पटक बडीमालिका माताको डोलीसहित बाजुरातर्फ प्रस्थान गरेको धनगढी उपमहानगरले जनाको छ ।

बडीमालिका मन्दिरमा दर्शन तथा विशेष पूजाआजाका लागि टोली परम्परागत विधिअनुसार पदयात्रामा निस्किएको हो । टोलीलाई धनगढी उपमहानगरपालिकाबाट फूलमाला, अबिर तथा पञ्चेबाजासहित धार्मिक तथा सांस्कृतिक विधिपूर्वक बिदाइ गरिएको थियो ।

बाजुरामा रहेको बडीमालिका मन्दिर धार्मिक, ऐतिहासिक तथा सांस्कृतिक दृष्टिले महत्वपूर्ण तीर्थस्थलका रूपमा परिचित छ । तत्कालीन जुम्ला र डोटी राज्यको पालादेखि विशेष तिथिमा सरकारी पूजा टोली डोली, पञ्चेबाजा र सलामीसहित बडीमालिका जाने परम्परा रहँदै आएको बताइन्छ ।

धनगढी उपमहानगरपालिकाले ऐतिहासिक तथा सांस्कृतिक परम्परालाई निरन्तरता दिँदै दोस्रो पटक डोलीसहित सरकारी टोली बडीमालिका पठाएको हो । टोलीले बडीमालिका मन्दिरमा विशेष पूजा तथा दर्शन गर्नेछ ।

धार्मिक आस्था र सांस्कृतिक पहिचानसँग जोडिएको बडीमालिका यात्रा पछिल्लो समय धार्मिक पर्यटनका दृष्टिले समेत महत्वपूर्ण बन्दै गएको छ । परम्परागत डोली यात्रा तथा धार्मिक गतिविधिले सुदूरपश्चिमको ऐतिहासिक संस्कृति र धार्मिक पर्यटनको प्रवद्र्धनमा समेत योगदान पुग्ने बिश्वास गरिएको छ ।

सम्बन्धित समाचार

सीप सिक्ने, रोजगारी पाउने: धनगढीमा माघ ५ देखि प्रदेशस्तरीय मेला सञ्चालन हुने बडीमालिका–रामारोशन वन संरक्षण क्षेत्र घोषणा सुदूरपश्चिमका मुख्यमन्त्री शाहले आज विश्वासको मत लिँदै बाढीपहिरोको उच्च जोखिममा बाजुरा बडीमालिका-रामारोशन वन संरक्षण क्षेत्र घोषणा गर्ने निर्णय खारेज गर्न माग सुदूरपश्चिम प्रदेशमा नेकपाका खगराज भट्ट मुख्यमन्त्री नियुक्त सुदूरका मुख्यमन्त्री भट्टले विश्वासको मत लिँदै कैलालीमा जापानिज इन्सेफलाइटिसबाट एकको मृत्यु, सात जनामा संक्रमित