काठमाडौँ । सरकारले मोहम्मद जयन्तीका अवसरमा नेपाली मुस्लिम धर्मावलम्बीलाई मात्र सार्वजनिक बिदा दिने भएको छ।

गृह मन्त्रालयले बुधबार सूचना जारी गर्दै मुस्लिम आयोगबाट प्राप्त जानकारीअनुसार भदौ १० गते मोहम्मद जयन्ती परेको जनाएको छ। सोही दिन नेपाली मुस्लिम धर्मावलम्बीका लागि मात्र सार्वजनिक बिदा दिने निर्णय भएको मन्त्रालयले स्पष्ट पारेको छ।

यसअघि नेपाल राजपत्रमा प्रकाशित सूचनामा मोहम्मद जयन्तीका दिन मुस्लिम धर्मावलम्बीका लागि सार्वजनिक बिदा दिने व्यवस्था उल्लेख गरिएको थियो।

मन्त्रालयका सहसचिव तथा प्रवक्ता आनन्द काफ्लेले जारी गरेको सूचनामा बिदासम्बन्धी जानकारी सम्बन्धित सबैलाई गराइएको छ। मन्त्रालयले मोहम्मद जयन्तीका अवसरमा सम्पूर्ण मुस्लिम धर्मावलम्बीलाई शुभकामनासमेत व्यक्त गरेको छ।

सम्बन्धित समाचार

जटिल अवस्थामा रहेकी गर्भवतीसहित दुई जनाको हवाई उद्धार २ वर्ष गोप्य राखेर सरकारले सार्वजनिक गर्‍यो एनसेल प्रतिवेदन नदीमा डुबेर बेपत्ता ३ बालबालिकामध्ये २ जनाको शव फेला काठमाडौंमा फेरि अर्को आत्मदाह प्रयास जनआस्था साप्ताहिकका सम्पादक किशोर श्रेष्ठ पक्राउ २४ घण्टामा विपदवाट १३ जनाको मृत्यु, ५ बेपत्ता सुदूरपश्चिममा आज ओल्के पर्व मनाइँदै काठमाडौं महानगरले सोध्यो ९२ निजी विद्यालयलाई स्पष्टीकरण