काठमाडौं । सरकारले रसुवा र नुवाकोटका बाढी प्रभावित क्षेत्रमा सम्भावित संक्रामक रोगहरू फैलिन नदिन विशेष निगरानी र प्रतिकार्यका गतिविधिलाई तीव्रता दिएको छ ।

स्वास्थ्य तथा स्वच्छता मन्त्रालयका सहसचिव हेमन्तचन्द्र ओझाका अनुसार मन्त्रालयको स्वास्थ्य संकटकाल तथा विपद् व्यवस्थापन एकाइ र स्वास्थ्य आपतकालीनकार्य सञ्चालन केन्द्रले प्रभावित क्षेत्रमा संक्रामक रोग नियन्त्रण तथा स्वास्थ्य प्रतिकार्यको नेतृत्व गरिरहेका छन् ।

‘बाढी प्रभावित क्षेत्रमा संक्रामक रोगको प्रकोप रोकथामका लागि मन्त्रालयले विपद्–पश्चात् सरुवा रोग निगरानी तथा प्रतिकार्य योजना स्वीकृत गरिसकेको छ, उक्त योजनालाई प्रभावकारी रूपमा लागू गर्न प्रदेश तथा जिल्ला तहका सम्बन्धित स्वास्थ्य अधिकारीलाई आवश्यक अभिमुखीकरणसमेत प्रदान गरिएको छ,’ उनले भने । उनका अनुसार विपद्को दोस्रो दिनमै चिकित्सकको कमाण्डमा विशेष स्वास्थ्य टोली रसुवा र नुवाकोट जिल्लाहरूमा परिचालन गरिएको थियो ।

उनका अनुसार संक्रामक रोगको निगरानी र नियन्त्रणलाई प्रभावकारी बनाउन निगरानी प्रमुखको नेतृत्वमा ‘फिल्ड इपिडेमोलोजी ट्रेनिङ प्रोग्राम’ बाट प्रशिक्षित दुई जना जनशक्तिसहितको दुईवटा विशेष टोली रसुवा र नुवाकोटमा खटाइएको छ । यसका साथै, विश्व स्वास्थ्य संगठनको सहयोगमा थप दुई जना मेडिकल निगरानी अधिकारी परिचालन गरेको छ । साथै, युनिसेफसँगको सहकार्यमा खानेपानी, सरसफाइ तथा स्वच्छतासम्बन्धी गतिविधिहरूको समीक्षा गरी आवश्यक रोकथामका कार्यहरू अघि बढाइएको उनको भनाइ छ ।

बाढी प्रभावित क्षेत्रहरूमा ज्वरो तथा झाडापखालाजन्य रोगहरूको नियमित र कडा अनुगमन गर्न ‘निगरानी, प्रकोप प्रतिकार्य व्यवस्थापन तथा विश्लेषण प्रणाली–सोरमास’ सञ्चालनमा ल्याइएको छ । यस्तै, ¥यापिड रेस्पोन्स कमिटीको बैठक बसी परिस्थितिको निरन्तर आकलन भइसकेको उनको भनाइ छ ।

स्वास्थ्य तथा खाद्य सुरक्षा मन्त्रालयले प्रभावित क्षेत्रमा संक्रामक रोग नियन्त्रणका अतिरिक्त अन्य अत्यावश्यक स्वास्थ्य सेवाहरू जस्तै १०२ वटा एम्बुलेन्सहरूको परिचालन, मानसिक स्वास्थ्य परामर्शका लागि ३० जना स्वास्थ्यकर्मीको टोली परिचालित भएको मन्त्रालयले जनाएको छ । साथै, प्रभावित क्षेत्रमा गएर सेनाले स्वास्थ्य सतर्कता अपनाउन माइकिङ गर्दै सचेतना गराइरहेको छ । यसैगरी राष्ट्रिय स्वास्थ्य, शिक्षा, सूचना तथा सञ्चार केन्द्रले स्वास्थ्य सुरक्षासम्बन्धी जनचेतनामूलक सूचना प्रवाह गरिरहेको जनाइएको छ ।

सम्बन्धित समाचार

ठमेल अब २४सै घण्टा सञ्चालन हुने, यस्ता छन् सर्त काठमाडौं महानगरले सोध्यो ९२ निजी विद्यालयलाई स्पष्टीकरण टिमुरेस्थित सशस्त्रको बीओपी सुरक्षित, ‘ड्यिुटी’मा खटिइएका टोली सम्पर्कविहीन त्रिशूली र नारायणी नदी किनारमा शव खोज्ने काम निरन्तर, ६४ शव भेटिए भोटेकोशी बाढी : उद्धार, उपचार, राहत र पुनःस्थापनाका निम्ति १२ टोली परिचालन बाढीबाट यातायात क्षेत्रमा भएको क्षति सम्बन्धमा अध्ययन गर्न समिति गठन ‘पुरातात्विक महत्त्वका सम्पदाको संरक्षण गरिन्छ’ भोटेकोशी बाढी : ९८७ को शव फेला, ३ हजार ९१६ जना सम्पर्कविहीन