काठमाडौं । विश्वकै प्रमुख प्रविधि कम्पनी एनभिडियाका प्रमुख कार्यकारी अधिकृत (सीईओ) जेन्सन ह्वाङले नेपाललाई १ करोड अमेरिकी डलर सहयोग गरेका छन् । यो रकम नेपाली रूपैयाँ १ अर्ब ५२ करोड रूपैयाँभन्दा बढी हुन्छ ।

सीईओ ह्वाङले प्रधानमन्त्री दैवीप्रकोप उद्धार कोषमा सो रकम सहयोग गरेका हुन् । रसुवा बाढी तथा पहिरोबाट प्रभावितको उद्धार, राहत तथा पुनः स्थापनाका लागि उक्त रकम सहयोग गरिएको हो । व्यक्तिगत तथा संस्थागत क्षेत्रबाट उद्धार कोषमा प्राप्त सहयोगमध्ये यो अहिलेसम्मकै ठूलो रकम भएको बताइएको छ ।

कस्तो कम्पनी हो एनभिडिया ?

एनभिडिया कृत्रिम बुद्धिमत्ता (एआई) का लागि आवश्यक चिप, कम्प्युटिङ प्रणाली तथा सफ्टवेयर बनाउने विश्वकै अग्रणी प्रविधि कम्पनी हो । कम्पनीका जीपीयू तथा अन्य प्रविधि एआई, डाटा सेन्टर, सुपरकम्प्युटिङ र वैज्ञानिक अनुसन्धानमा व्यापक रूपमा प्रयोग हुन्छन् ।
ह्वाङ एनभिडियाका संस्थापकसमेत हुन् । उनले सन् १९९३ देखि कम्पनीको नेतृत्व गर्दै आएका छन् ।

अर्थमन्त्री वाग्लेले दिए ह्वाङलाई भिडिओ सन्देशमार्फत धन्यवाद

अर्थमन्त्री डा. स्वर्णिम वाग्लेले ह्वाङलाई भिडिओ सन्देशमार्फत धन्यवाद दिएका छन् ।

‘१ करोड डलरको सहयोग,’ वाग्लेले फेसबुकमा लेखेका छन्, ‘हार्दिक आभार श्री जेन्सन हवाङ, प्रमुख कार्यकारी अधिकृत, एनभिडिया । यस अभूतपूर्व सहयोगसँगै प्रधानमन्त्री दैवीप्रकोप उद्धार कोषमा १० अर्ब रुपैयाँभन्दा बढी रकम संकलन भएको छ ।’

विपदको कठिन समयमा नेपाललाई गरेको सहयोगका लागि उनले ह्वाङप्रति आभार व्यक्त गरेका छन् ।

सम्बन्धित समाचार

राउटे समुदायमा अदृश्य नियमभित्र लुकेको महिनावारी विभेद गरिमा चौधरीका अभिभावकसँग सरकारको सहमति, सालिक निर्माणसहित तीनबुँदे प्रतिबद्धता बालबालिकासँग प्रत्यक्ष संवाद गर्दै महिला, बालबालिका मन्त्रालय, सातै प्रदेशमा परामर्श कार्यक्रम इतिहासलाई पर्यटनसँग जोड्दै मकवानपुरगढी दरबार बाढी प्रभावित क्षेत्रमा निःशुल्क ‘भ्वाइस, डेटा र एसएमएस’ सुविधा बाढी प्रभावित क्षेत्रका अधिकांश स्थानमा विद्युत् र सञ्चार सेवा पुनःस्थापना सम्पर्कविहीन परिवारः न चुल्हो बल्छ , न आँखा ओभाउँछन् संसदीय समितिद्वारा सुरुङमा फसेकाको उद्धारमा प्राथमिकता दिन निर्देशन