काठमाडौं । विधायन व्यवस्थापन समितिले ‘नेपाल विशेष सेवा ऐन, २०४२ को साबिकको व्यवस्था जगाउने सम्बन्धी विधेयक, २०८३’ सर्वसम्मत रूपमा पारित गरेको छ ।

बिहीबार बसेको समितिको बैठकले राष्ट्रिय अनुसन्धान विभागलाई प्रधानमन्त्री कार्यलयमा लैजानेगरि ल्याइएको उक्त विधेयकलाई पारित गरेको हो । विधेयकमाथिको दफावार छलफलका क्रममा समितिका सभापति कृष्णबहादुर रोकायले राष्ट्रिय अनुसन्धान विभागलाई थप व्यवस्थित र प्रभावकारी बनाउन सरकारले नयाँ संशोधन विधेयक ल्याउने जानकारी दिए ।

उक्त विधेयक हाल मस्यौदा निर्माणको चरणमा रहेको उनको भनाई छ । राष्ट्रिय अनुसन्धान विभागलाई प्रधानमन्त्री कार्यालयअन्तर्गत राख्ने वा गृह मन्त्रालय अन्तर्गत राख्ने भन्ने बहसभन्दा विभागलाई कसरी व्यवस्थित र प्रभावकारी बनाउने भन्ने विषय महत्वपूर्ण रहेको उनले बताए ।

उनले भने, ‘राष्ट्रिय अनुसन्धान विभागलाई कहाँ राख्ने भन्नेभन्दा पनि यसलाई कसरी व्यवस्थित गर्ने र प्रभावकारी बनाउने भन्ने कुरा महत्वपूर्ण हो । सरकारले नयाँ विधेयक पनि ल्याउने तयारी गरेको छ, भोलि आउने जुन विधेयक छ, त्यो विधेयकमा हामीले व्यापक रूपमा छलफल गरेर हामीले यसलाई दुईटा संरचना बनाउन आवश्यक परेमा पनि त्यहाँ व्यवस्था गर्छौँ । त्यो सरकारले त्यो ढंगले तयारी गरेर ल्याओस् ।’

समितिमा सांसदहरूले उठाएका विषयलाई सरकारले गम्भीरतापूर्वक ग्रहण गरेको उल्लेख गर्दै रोकायले आगामी संशोधन विधेयकमा ती विषयमा व्यापक छलफल गरिने बताए । उन राष्ट्रिय अनुसन्धानसम्बन्धी दुईवटा संरचनाको व्यवस्था गर्न सकिने पनि बताए ।

राष्ट्रिय अनुसन्धान विभागबाट आन्तरिक तथा बाह्य सुरक्षासम्बन्धी सूचना संकलन हुने भएकाले प्रधानमन्त्रीलाई आवश्यक सूचना उपलब्ध गराउने प्रभावकारी संयन्त्र आवश्यक रहेको उनको भनाई छ ।

सम्बन्धित समाचार

सरकारका साढे पाँच महिनाः नागरिकदेखि आफ्नै सांसदसम्म असन्तुष्ट बागमतीका मुख्यमन्त्री किरण थापा मगरले भोलि विश्वासको मत लिँदै, मत दिन नेकपाद्वारा ह्विप जारी प्रधानमन्त्री बालेन कालो चस्मा लगाएर संसदमा प्रस्तुत हुने लामिछानेले आह्वान गरेको सर्वदलीय बैठक सुरु, गगन थापा, प्रचण्डसहित शीर्ष नेता सहभागी, ओली गएनन् भोटेकोशी बाढी सम्बन्धमा छलफल गर्न आज सर्वदलीय बैठक बस्दै यतिबेला हामीलाई शरीर थकित भयो भनेर विश्राम लिने छुट छैन : प्रधानमन्त्री देउवा समूहको बैठकः असोज १५ मा वडा अधिवेशन प्रस्ताव राजनीतिक र राष्ट्रिय सहमति कायम राख्नुपर्छ: रवि