काठमाडौं । त्रिभुवन अन्तरराष्ट्रिय विमानस्थलबाट स्रोत नखुलेको विदेशी मुद्रासहित एक जना भारतीय नागरिक पक्राउ परेका छन् ।

पक्राउ पर्नेमा भारतको कर्नाटक बैंग्लोर बस्ने जगदीशमोहन राव रहेका छन् । उनको राहदानी नम्बर आरए ६७७२४६ रहेको विमानस्थल सुरक्षा कार्यालयले जनाएको छ ।

नेपाल वायुसेवा निगमको उडान नम्बर आरए–२२५ मार्फत काठमाडौँबाट बैङ्लोर भारततर्फ प्रस्थान गर्न लागेका रावलाई विमानस्थलको ब्यागेज चेकिङ क्षेत्रमा एक्स–रेमार्फत सामान जाँच गर्ने क्रममा प्रहरीले नियन्त्रणमा लिएको हो ।

जाँचका क्रममा उनको साथबाट स्रोत नखुलेको भारतीय रुपैयाँ छ लाख ३५ हजार, चिनियाँ युआन ६३५, हङकङ डलर १०, भियतनामी डोङ ११ लाख ८६ हजार र थाइल्यान्डको भाट १७० बरामद भएको विमानस्थल सुरक्षा कार्यालयका प्रवक्ता राजकुमार सिलवालले जानकारी दिए ।

प्रहरीका अनुसार उनलाई विदेशी मुद्रा अवैध रूपमा लुकाइछिपाइ लैजान लागेको अवस्थामा फेलापरेको हो । घटना’bout थप अनुसन्धान भइरहेको प्रहरीले जनाएको छ ।

पक्राउ परेका रावलाई थप अनुसन्धान तथा प्रचलित कानुनबमोजिम कारबाहीका लागि सम्पत्ति शुद्धीकरण अनुसन्धान विभाग हरिहर भवन पुल्चोक, ललितपुर पठाइएको विमानस्थल सुरक्षा कार्यालयले जनाएको छ ।

सम्बन्धित समाचार

आँखैअघि साथीहरू बगे, ओढारमा बित्यो रात राजर्षिजनक विश्वविद्यालयका पदाधिकारी तथा कर्मचारीले प्रधानमन्त्री दैवी प्रकोप उद्धार कोषमा रकम जम्मा गर्ने कृष्णभीरमा ट्र्याक खोल्न थालियो त्रिशूली–३ ‘ए’ जलविद्युत् आयोजनाको सुरुङभित्रबाट उद्धार गरिएका महर्जनको अवस्था जटिल प्रधानमन्त्री शाहले असोज ८ गते राष्ट्रसंघको महासभामा सम्बोधन गर्ने नेपाल टेलिकमका कर्मचारीको २ करोडभन्दा बढी सहयोग चलायमान बन्दै कोरला नाका प्रधानमन्त्रीको अमेरिका भ्रमण स्वीकृत