हङकङ । विश्वका वित्तीय केन्द्रहरूको सूचकांकमा हङकङले तेस्रो स्थान कायम राख्दै एसिया–प्रशान्त क्षेत्रमा पहिलो स्थान हासिल गरेको छ ।

बेलायती थिंक ट्यांक ‘जेड÷येन ग्रुप’ र चीनको शेन्जेनस्थित ‘चाइना डेभलपमेन्ट इन्स्टिच्युट’ले बुधबार सार्वजनिक गरेको ‘ग्लोबल फाइनान्सियल सेन्टर्स इन्डेक्स (जीएफसीआई) ४०’ प्रतिवेदनमा विश्वका ११७ वित्तीय केन्द्रको मूल्यांकन गरिएको छ । प्रतिवेदनअनुसार हङकङले ७५६ अंक प्राप्त गरेको छ ।

फिनटेक सेवाको क्षेत्रमा हङकङ विश्वमै पहिलो स्थानमा रहेको छ । वित्तीय क्षेत्रको विकासमा पनि हङकङ पहिलो स्थानमा उक्लिएको प्रतिवेदनमा उल्लेख छ । मानव पुँजीको क्षेत्रमा दोस्रो स्थान कायम राखेको हङकङ व्यावसायिक वातावरण र पूर्वाधारमा पनि दोस्रो स्थानमा पुगेको छ ।

विभिन्न वित्तीय क्षेत्रका विज्ञ तथा व्यवसायीले गरेको मूल्यांकनमा हङकङले लगानी व्यवस्थापन क्षेत्रमा विश्वमै पहिलो स्थान हासिल गरेको छ । बीमा र वित्तीय क्षेत्रमा पनि हङकङले विश्वव्यापी रूपमा शीर्ष स्थान कायम राखेको प्रतिवेदनमा उल्लेख छ ।

हङकङ विशेष प्रशासनिक क्षेत्र सरकारका प्रवक्ताका अनुसार हङकङले विद्यमान वित्तीय सुविधाको विस्तार गर्दै स्थिरतामार्फत विकास र विकासमार्फत स्थिरता सुदृढ गर्ने नीतिलाई निरन्तरता दिनेछ । वित्तीय क्षेत्रको प्रभाव र लाभ विस्तार गर्न ‘फाइनान्स प्लस’ अवधारणालाई पनि अघि बढाइने उनले बताए ।

विश्वव्यापी अफशोर रेन्मिन्बी (आरएमबी) व्यापार केन्द्रका रूपमा हङकङले आफ्ना सबल पक्षको उपयोग गर्दै चीनको राष्ट्रिय विकास रणनीतिसँग समन्वय गर्ने र अफशोर आरएमबीको उपयोग विस्तार गर्ने उपायलाई प्रवद्र्धन गर्ने प्रवक्ताले बताए ।

जीएफसीआई प्रतिवेदन सन् २००७ देखि हरेक वर्ष मार्च र सेप्टेम्बरमा सार्वजनिक हुँदै आएको छ ।

सम्बन्धित समाचार

अमेरिकी सैनिक थाइल्यान्डकाे ‘याैन पर्यटन’मा चिनियाँ एजेन्ट बने अमेरिकी पत्रकार, अमेरिकी अदालतले सुनायो जेल सजाय मस्कोमा अमेरिकी टोलीले युक्रेन युद्ध अन्त्यका लागि पुटिनसँग गरे तीन घण्टा विशेष छलफल प्रहरीद्वारा हत्या अभियुक्तमाथि सार्वजनिक रूपमा कुटपिट कोरियामा विदेशी विद्यार्थीलाई ‘केयरगिभर’ तालिम जासुसीमा एआईको बढ्दो प्रयोग : मानिसको पहिचान पत्ता लगाउनेदेखि डेटिङ ठगीमा प्रयोगसम्म थाइल्याण्डको सिनेटको मतदान ठगीमा ७७ व्यक्तिविरुद्ध कानुनी कारबाहीको आदेश व्यापार प्रणाली कमजोर भए विश्वको जीडीपी १० प्रतिशतसम्म घट्ने डब्लूटीओको चेतावनी