खोटाङ । जिल्ला प्रहरी कार्यालय खोटाङले महिना दिनअघि बरामद गरेको एक हजार ३१५ किलोग्राम लागू औषध गाँजा नष्ट गरिएको छ।

गत साउन–२१ गते राति दिक्तेल रुपाकोट मझुवागढी नगरपालिका–७ दोर्पाको वालिङस्थित मध्यपहाडी लोकमार्गबाट ट्रकमा लोड गरी राखिएको अवस्थामा बरामद गरिएको करिब दुई करोड रुपैंयाँ मूल्य बराबरको उक्त गाँजा प्रहरीले आज नष्ट गरेको हो।

जङ्गलमा रोकेर राखेको ट्रक शंकास्पद लागेपछि चेक जाँच गर्ने क्रममा गाँजा लुकाएर राखेको अवस्थामा भेटिएको थियो।

जिल्ला प्रहरी कार्यालय खोटाङका सूचना अधिकारी प्रहरी निरीक्षक निराजन बस्नेतका अनुसार, प्रदेश १–०२–००२ ख ००८३ नम्बरको ट्रकमा चालक बस्ने भाग र पछाडि डालाको बीच भागमा फल्स बटम बनाएर राखिएको अवस्थामा उक्त परिमाणमा गाँजा भेटिएको थियो। दिक्तेल–चखेवाभञ्ज्याङ सडक खण्डको वालिङमा रोकेर राखिएको ट्रकमा उक्त गाँजा भेटिए पनि चालकको भने पहिचान खुल्न सकेको छैन।

चालक फरार रहेकाले गाँजा धनी पहिचान हुन बाँकी रहेको जिल्ला प्रहरी प्रमुख प्रकाश बुधाथोकीले जानकारी दिएका छन्। उक्त ट्रकका धनीलाई भने प्रहरीले मंगलबार पक्राउ गरेको छ। गाँजा कानुनी प्रक्रिया पूरा गरी जिल्ला अदालत खोटाङ परिसरमा लगेर नष्ट गरिएको हो।

सम्बन्धित समाचार

प्रधानसेनापति अशोकराज सिग्देल चीन प्रस्थान शुक्लाफाँटामा हात्तीले दुई घर भत्कायो फलाखु खोलामा फड्के तथा स्याफ्रुबेँसीस्थित भोटेकोशी नदीमाथि तुइन निर्माण चौरचन र तीज एकै दिन परेपछि मिथिलामा बढ्यो पर्वको रौनक भोटेकोशी बाढी : रसुवाका १३ खानेपानी आयोजनामा २५ करोड रुपैयाँ बढीको क्षति कृष्णभीरमा नयाँ ट्र्याक अन्तिम चरणमा, परीक्षण सफल भए १ असोजदेखि नियमित सवारीसाधन सञ्चालन दूध उत्पादन बढाउन अनुदान अपहरणमा परेको १२ दिनपछि १५ महिने बच्चाको सकुशल उद्धार