काठमाडौं । प्रहरी नियन्त्रणमा रहेका पूर्वप्रधानन्यायाधीश चोलेन्द्रशमशेर जबरा ११ घन्टापछि छुटेका छन्। उनलाई केहीबेरअघि परिवारको जिम्मा लगाइएको प्रहरीको उच्च स्रोतले जानकारी दिएको छ।
११ घण्टा हिरासतमा बिताएका राणा काठमाडौं उपत्यका अपराध अनुसन्धान कार्यालय,टेकूबाट आफैं गाडी चलाउँदै घर फर्किएका हुन् ।प्रधानमन्त्री वालेन्द्र शाहको ठाडो निर्देशनमा पूर्वप्रधानन्यायाधीश राणालाई पिएसओसहित शनिबार मध्यरात घरबाटै प्रहरीले नियन्त्रणमा लिइएको थियो ।
अदालती प्रक्रियामा रहेका विचाराधीन विषयमा चासो राख्दै बुढानीलकण्ठमा रहेको टेम्पल ट्रीमा निरन्तर शंकास्पद भेटघाटको सूची टिमबाट प्रधानमन्त्री शाहसम्म पुगेपछि मध्यराति उनलाई बाँसबारीको घरबाटै नियन्त्रणमा लिइएको हो।
काठमाडौं उपत्यका अपराध अनुसन्धान कार्यालयको टोली मध्यरात उनको घरमा पुगेर नियन्त्रणमा लिएर कार्यालयमा आएको थियो।
मध्यराति नै अपराध अनुसन्धान कार्यालयका एसएसपी सन्तोष खड्काले राणासँग सोधपुछ गरेका थिए। सोधपुछको विषय न्याय क्षेत्र, अदालतमा विचाराधीन मुद्दाका प्रतिवादी र केही राजनीतिक तथा व्यापारीलगायतसँगको भेटघाटको प्रयोजन थियो।
सरकारले भने राणालाई जेनजी समूहबाट असुरक्षा भएकाले प्रहरीले सुरक्षित ठाउँमा राखेको दाबी गर्दै आएको छ । तर स्रोतका अनुसार पछिल्लो केही समययता पूर्वप्रधानन्यायाधीश कल्याण श्रेष्ठ छाडेर केही शक्ति समूह राणाकहाँ पुग्न थालेको चर्चा चलेको छ । त्यही शंकाका आधारमा प्रधानमन्त्री शाहकै आदेशमा राणालाई सोधपुछका लागि नियन्त्रणमा लिइएको हो ।
राणालाई पक्राउ गरेको विषयमा कांग्रेस, एमाले, नेकपा, कानुन व्यवसायी, पूर्वन्यायाधीश, नागरिक समाजलगायतले कडा आपत्ति जनाएका छन् ।
सम्बन्धित समाचार
सरकारको प्रतिगामी कदम धेरै टिक्दैन : अध्यक्ष ओली
प्रधानमन्त्रीसँग बैठक बसेलगत्तै गाउँपालिका अध्यक्ष सिंहदरबारबाटै पक्राउ
सभामुख र प्रमुख प्रतिपक्षी दलका नेताबीच भेटवार्ता
यस्तो छ– मन्त्रिपरिषद्का ६ निर्णय
काँग्रेसको १५औँ महाधिवेशन: वडा अधिवेशन आजदेखि सुरु
परराष्ट्रमन्त्री खनाल आइतबार न्यूयोर्क प्रस्थान गर्ने
भरत दाहाललाई २४ घण्टाभित्र मिसिलसहित उपस्थित गराउन सर्वोच्च अदालतको आदेश
आजदेखि चार दिन अति भारी वर्षाको चेतावनी
