काठमाडौं । ज्यान मुद्दामा अदालतले तोकेको सजाय पूरा गरी निस्किएको लामो समयपछि गण्डकी प्रदेशका पूर्वमन्त्री राजीव गुरूङ (दीपक मनाङे) नेपाली कांग्रेसको देउवा समूह प्रवेश गरेका छन्। मंगलबार कांग्रेसको संस्थापन इतर समूहमा उनी प्रवेश भएका हुन्।

देउवा कांग्रेसको १५औं केन्द्रीय महाधिवेशन तयारी समितिका संयोजक शशांक कोइरालाले मनाङेलाई पार्टी प्रवेश गराएका हुन् । सचिवालयका अनुसार उनलाई इतर समूहले महाधिवेशनका लागि मनाङको संयोजकको जिम्मेवारी दिएका छन्।

मनांगे पछिल्लो तीन चार महिनायता इतर समूहको राजनीतिमा क्रियाशील रहँदै आएका थिए । शेरबहादुर देउवा सिंगापुरबाट स्वदेश फर्किदा त्रिभुवन अन्तर्राष्ट्रिय विमानस्थलदेखि चुनदेवीस्थित इतर समूहको सम्पर्क कार्यालयमा स्वागत गर्नेसम्मको सबै काम मनांगेले नै गरेका थिए । देउवाको स्वागतमा मोटरसाइकल जुलुस निकाल्ने योजना मनांगेले नै बनाएको नेता कार्यकर्ता बताउँछन् । 

मनांगे गत प्रदेश सभाको निर्वाचनमा मनाङबाट स्वतन्त्र विजयी भएका थिए । पछि उनी तत्कालीन एकीकृत समाजवादी प्रवेश गरेका थिए ।
 

सम्बन्धित समाचार

एमाले विवादः बल्थली बैठक असफल, प्रतिवेदन मिलाउन अर्को कार्यदल संसदमा सरकार खोज्दै रास्वपाका सांसद देउवालाई गगनको अनुरोधः पूर्वसभापतिको हैसियतमा महाधिवेशन उद्घाटन गरिदिनुस् अध्यक्ष–महासचिव टकराब केन्द्रीय कमिटीमा छताछुल्ल सरकारको काम गराइप्रति रास्वपाकै सांसद छैनन् सन्तुष्ट, संसदमै जनाए असन्तुष्टि बालेनलाई अमेरिकी अधिकारीले किन स्वागत गरेनन् ? पूर्वराष्ट्रपति भण्डारी एमाले वरिष्ठ नेता मनोनीत कर्णालीका पूर्वमुख्यमन्त्री शर्माको सांसद पद खारेज