जनकपुरधाम । मधेश प्रदेशका नवनियुक्त मुख्यमन्त्री सरोजकुमार यादवले मधेस प्रदेशमा सर्वदलीय सरकार बनाउने बताएका छन् ।
मुख्यमन्त्रीको शपथ लिएपछि सञ्चारकर्मीसँग संक्षिप्त कुराकानी गर्दै उनले प्रदेशसभामा प्रतिनिधित्व गर्ने सबै दललाई सहभागी गराई सर्वदलीय सरकार बनाउने बताए । ‘मेरो चाहना सबै दल मिलेर सरकार बनाउने हो, म त्यही भावनाअनुसार दलहरुसँग छलफल अगाडि बढाउछु,’ नवनियुक्त मुख्यमन्त्री यादवले भने, ‘मेरो नेतृत्वको सरकारमा सबै दल सहभागी हुन्छ भने मलाई विश्वास छ ।’
निर्धारित समयभित्रै प्रदेशसभाबाट विश्वासको मत प्राप्त हुने उनले विश्वास व्यक्त गरे ।
उनले आजै तथा गोपनीयताको शपथ लिएका छन् । प्रदेशप्रमुख सुरेन्द्रलाभ कर्णसँग उनले आज बिहान प्रदेश प्रमुखको कार्यालयमा शपथ लिएका हुन् ।
प्रदेश प्रमुख कर्णले नेपालको संविधानको धारा १६८ को उपधारा (२) बमोजिम प्रदेशसभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्न सक्ने प्रदेशसभा सदस्यलाई मुख्यमन्त्रीमा नियुक्त गर्न मंसिर ४ गते अपराह्न ४ बजेसम्म दाबी पेस गर्न आह्वान गरेका थिए ।
निर्धारित समयभित्र कुनै पनि दलबाट दाबी पेस नभएपछि प्रदेशसभामा सबैभन्दा बढी सदस्य रहेको दलका संसदीय दलका नेता यादवलाई संविधानको धारा १६८ को उपधारा (३) बमोजिम शनिबार मुख्यमन्त्रीमा नियुक्त गरेका हुन् ।
सम्बन्धित समाचार
मधेशका मुख्यमन्त्री यादवले लिए शपथ
मधेशका मुख्यमन्त्री यादवले कात्तिक २८ गते विश्वासको मत लिने
भीमफेदी दुर्घटनाका मृतकका परिवारलाई जनही एक लाख राहत
बझाङको बुंगलमा अटो दुर्घटना : तीन जनाको मृत्यु, एक बालक बेपत्ता
मधेश प्रदेशको मुख्यमन्त्रीमा सरोजकुमार यादव नियुक्त
यस्तो छ कर्णालीका मुख्यमन्त्रीको सयदिने रिपोर्ट कार्ड
झिनिया बेचेर दसैं–तिहारमा मात्रै चार लाखसम्म आम्दानी
रसुवाको ‘नागथली’ पर्यटकका लागि आर्कषक केन्द्र






