काठमाडौं । कास्की जिल्लाको पोखरा महानगरपालिका–६ लेकसाइडस्थित फेवातालमा फसेका ७ जनाको सशस्त्र प्रहरीले शनिबार साँझ सकुशल उद्धार गरेको छ । अचानक आएको हावाहुरी तथा पानीको कारण चितवनबाट घुम्न आएका ७ जना आन्तरिक पर्यटक चढेको प्याडल बोट डुंगा बाँध्ने डोरीको जालोमा परी उनीहरू उक्त तालमा अलपत्र परेका थिए ।

खबर पाउनासाथ सशस्त्र प्रहरी बल नेपाल फेवाताल वाच एन्ड रेस्क्यु टावरबाट खटिएको टोलीले उनीहरूको सकुशल उद्धार गरेको हो ।

यसैगरी सोही महानगरपालिका–३२ स्थित बेगनास तालमा पौडी खेल्ने क्रममा डुबेर बेपत्ता भएका एक जनाको शव सशस्त्र प्रहरीको गोताखोरले फेला पारेको छ । सल्यान घर भई हाल पोखरा महानगरपालिका–१४ खसीबजार बस्ने २५ वर्षीय नरेश विक शनिबार साँझ उक्त तालमा पौडी खेल्ने क्रममा डुबेर बेपत्ता भएका थिए । घटना’bout जानकारी पाएलगत्तै सशस्त्र प्रहरी बल नेपाल नं. २४ कालिका गण कास्कीबाट गोताखोरसहितको विपद् व्यवस्थापन तालिम प्राप्त सशस्त्र प्रहरी तत्काल परिचालन भएको थियो ।

परिचालित टोलीले खोजीकार्य गर्दा तालको करिब २५ फिट गहिराइबाट बेपत्ता पुरुषको शव फेला पारी पोस्टमार्टमका लागि पोखरा स्वास्थ्य विज्ञान प्रतिष्ठानतर्फ पठाएको छ ।

सम्बन्धित समाचार

सप्तरीबाट मध्यराति १ हजार ४ सय किलो गाँजा बरामद प्रधानमन्त्री राहत कोषमा मौज्दात रकम करिब १५ अर्ब पुग्यो पोखरा अन्तर्राष्ट्रिय विमानस्थलमा आजदेखि फ्लाई दुबईले नियमित उडान गर्ने, यसरी गरिँदै छ स्वागत संघीय संसद्का दुवै सदनको बैठक बस्दै, यी हुन् सम्भावित कार्यसूची बीपी राजमार्गमा सवारी सञ्चालनमा रोक नारायणीको पुलमा ठूला सवारीसाधन सञ्चालनमा रोक पहिरोले विभिन्न राजमार्गमा क्षति, हटाउने काम तीव्र प्रतिनिधिसभाको बैठक बस्दै, आज चार वटा संसदीय समितिको बैठक पनि बस्दै