काठमाडौं । काठमाडौंको बुढानीलकण्ठबाट प्रहरीले २१ किलो सुन बरामद गरेको छ ।

उपत्यका अपराध अनुसन्धान कार्यालयको टोलीले बुढानीलकण्ठस्थित चपलीबाट आज बिहीबार यति धेरै परिमाणको सुन बरामद गरेको हो ।

बरामद सुनमध्ये ११ किलो तयारी अवस्थामा रहेको र १० किलो प्रशोधन गर्ने गरी राखिएको अवस्थामा भेटिएको स्रोतको भनाइ छ ।

काठमाडौं उपत्यका अपराध अनुसन्धान कार्यालयका प्रमुख सन्तोष खड्काको कमान्डमा गएको प्रहरी टोलीले करिब ५ घण्टाको अपरेसनपछि सुनसहित आधा दर्जन चिनियाँ नागरिकलाई पक्राउ गरेको जनाइएको छ । उनीहरूको साथबाट सुन पगाल्ने मेसिन, सुन जोख्ने उपकरण आदिसमेत बरामद गरेको छ ।

प्रहरीले सुन कहाँबाट आएको र कति जना पक्राउ परेको भन्ने विस्तृतमा जानकारी दिएको छैन ।

सुन बरामद’bout जानकारी दिन प्रहरीले भोलि शुक्रबार दिउँसो १ बजे पत्रकार सम्मेलन आयोजना गरेको छ ।

यसअघि २०८० साउनमा त्रिभुवन अन्तर्राष्ट्रिय विमानस्थलबाट भन्सार पार गरिसकेको अवस्थामा ’ब्रेक सु’भित्र ६० किलो सुन बरामद भएको थियो । त्यसअघि २०७४ सालमा सुन तस्करका भरिया सनम शाक्य मारिएपछि एउटै समूहले चार वर्षमा ३८ क्वीन्टल सुन तस्करी गरेको खुलेको थियो । यूएईबाट विमानस्थल हुँदै आएको सुन भारत जाने गरेको थियो ।

नेपालमा बरामद हुने अधिकांश सुन भारततर्फ तस्करी हुने गरेको छ । नेपाली नागरिक भरिया र व्यवस्थापकका रुपमा प्रयोग हुने गरेको छ ।

सम्बन्धित समाचार

जलवायु परिवर्तनले सीमा चिन्दैन, हिमनदी र बाढी पासपोर्टमा भिसा लगाएर यात्रा गर्दैनन् : प्रधानमन्त्री शाह (सम्बोधनको पूर्णपाठ) रोशी खोलाको जलसतहले खतराको तह पार गर्‍यो छुटे पूर्वप्रधानन्यायाधीश चोलेन्द्र शमशेर जबरा संघीय संसद्का दुवै सदनको बैठक बस्दै, यस्ता छन् सम्भावित कार्यसूची संघीय संसद्को चालु अधिवेशन अन्त्य गर्न राष्ट्रपतिसमक्ष सिफारिस संसदमा नयाँ भवन ऐन दर्ता, गरिब तथा विपन्न नागरिकलाई ७५ हजार रुपैयाँसम्म आवास अनुदान प्रस्ताव कामपाले अब हुलाकमार्फत चिठ्ठी आदानप्रदान गर्ने यस वर्ष दशैंको टीकाको उत्तम साइत बिहान १० बजेर २६ मिनेटमा