काठमाडौँ । पूर्वराजा ज्ञानेन्द्र शाहले यस वर्षको बडादसैँ सादगीपूर्वक मनाउने घोषणा गर्दै सर्वसाधारणलाई टीका नलगाउने भएका छन् ।

देशमा आएको भीषण बाढीपहिरो तथा अविरल वर्षाका कारण ठूलो जनधनको क्षति भएको अवस्थालाई मध्यनजर गर्दै यस वर्षको बडादसैँ पर्वमा टीका तथा जमरा लगाउने कार्यक्रम नराखिएको जानकारी गराइएको छ।

निर्मल निवासस्थित सम्वाद सचिवालयले जारी गरेको सूचनामा श्री ५ महाराजाधिराज ज्ञानेन्द्र वीर विक्रम शाहदेवबाट गत भदौमा हिमपहिरोबाट आएको भीषण बाढी र असोजमा परेको अविरल वर्षाका कारण हजारौँ मानिस विस्थापित भएको, सयौँको दुःखद निधन भएको तथा ठूलो जनधनको अपूरणीय क्षति भएको अवस्थाप्रति दुःख व्यक्त गरिएको उल्लेख छ।

विपत्तिको यस असहज परिस्थितिलाई मध्यनजर गर्दै आफ्नो आस्था, मान्यता र मर्यादालाई कायम राख्दै यस वर्षको बडादसैँ पर्व सादगीपूर्ण रूपमा मनाउने निर्णय भएको सूचनामा जनाइएको छ।

सम्बन्धित समाचार

पर्वतको जलजलामा २५ घर बगे बागलुङमा पहिरोबाट जनधनको ठूलो क्षति, १० जनाको मृत्यु, एक बेपत्ता संघीय निजामती विधेयक संसदमा दर्ता कांग्रेस महाधिवेशनमा ३० स्वास्थ्यकर्मीसहितको हेल्थ डेस्क, दुई एम्बुलेन्स मैदानमै ११२ रोपनी जग्गा सरकारको नाममा दाखिला नारायणी नदीको बाढी : एक हजार १५० मिटर तटबन्धमा क्षति शिक्षकलाई सवारी किन्न सरकारले ब्याज तिरिदिने, मावि प्रथमलाई ५० लाख र द्वितीयलाई ४० लाख रुपैयाँसम्म बूढीगण्डकीमा आकस्मिक बाढीः बाँध फुटेको हुनसक्ने प्रारम्भिक अनुमान, ३५ घर बगे