राजविराज । गाउँपालिकाको हरेक गतिविधीमा चलायमान देखिने तथा बुद्धिजीवीको रुपमा परिचित रोशन कुमार मंडर गाउँपालिकाका अध्यक्षका आकाँक्षी देखिएका छन ।

मंडर राष्ट्रिय स्वतन्त्र पार्टी (रास्वपा) मा आबद्ध छन । सप्तरीको अग्नीसाईर कृष्णासवरण गाउँपालिका ६ महुली निवासी ५६ वर्षिय मंडर कानुनमा स्नातक तथा राजनीति शास्त्रमा एमए गरी समाजसेवामा लागेका हुन । महुली लघुवित्त वितिय संस्था लि.को निर्देशक, प्रमुख कार्यकारिणी अधिकृत, महुली बजार व्यवस्थापन तथा विकास समितिको अध्यक्ष लगायत विभिन्न संघ संस्थामा प्रमुखका रुपमा काम गरिसकेका मंडर यस पल्ट सबैको साथ र गाउँपालिकाको समग्र विकासका लागी आफु अध्यक्ष पदको उम्मेदवार बन्न चाहेको र यसका लागी पार्टीमा तोकिएको मापदण्ड अनुसार आवश्यक प्रकृया पुरा गरी आवेदन दिइसकेको बताएका छन ।

विहीवार संचारकर्मीहरु सित कुराकानी गर्दै उनले अग्नी साईरकृष्णा सबरण गाउँपालिकालाई नमुना गाउँपालिकाको रुपमा विकास र व्यवस्थित निकास दिने उदेश्यका साथ उम्मेदवारको दाबेदारी प्रस्तुत गरेको बताएका छन ।

उनले गाउँपालिकाको विकासका लागी नयाँ खाका समेत सार्वजनिक गरेका छन । यहाँका ८० प्रतिशत जनता कृषि पेशामा लागेको भन्दै उनले आफनो खाकामा कृषिलाई पहिलो प्राथमिक्तामा राखेका छन ।

कुषिलाई रोजगारी संग जोडेर यहाँका जनतालाई आत्मनिर्भर बनाउने र यसका लागी उत्पादन बृद्धि, शितभण्डार र आँपको प्रशोधन केन्द्र निर्माण, पशुपालन, दुधजन्य पदार्थको उत्पादन तथा सहज बजारिकरण लगायतका योजना उनले समेटेका छन ।

यस्तै ५० वर्ष देखी गाउँपालिकामा निरन्तर संचालन हुदै आएको जनचेतना रनिङ्गशिल्ड फुटवल प्रतियोगितालाई अझ व्यापकता प्रदान गर्ने, फुटबल एकेडेमीको स्थापना गर्ने, खेल मैदानको स्तरोन्नती गर्ने, नदी खोलामा तटबन्ध निर्माण र ग्रीन प्लान्टेशन कार्य गर्ने, मठ मन्दिरलाई धार्मिक पर्यटकिय स्थलको रुपमा विकास गर्ने, जंगली हात्ती र बादरको आतंकबाट स्थानीयलाई मुक्ती र भ्रष्टाचार अन्त्य गर्ने लगायतका विषय पनि उनले आफ्नो खाकामा समेटेका छन ।

उनले विगतमा काँग्रेस र एमालेको नेतृत्वमा गाउँपालिकामा चाहेजतीको विकास हुन नसकेको दाबी गर्दै आफुले अवसर पाए जनतालाई प्रत्यक्ष अनुभुती हुने गरी काम गरेर देखाइदिने ठोकुवा समेत गरे ।

्शिक्षण पेशाबाट सेवानिवृत भएका वुआ बद्री र कुनै बेला महिला संगठन सप्तरीको अध्यक्ष रहेकी आमा नयनाको प्रेरणाबाट राजनीतिमा आएको बताएका उनले गाउँलाई विकसित बनाउन सहि ब्यक्ती चयन हुनु आवश्यक रहेको जनाएका छन ।

सम्बन्धित समाचार

विषालु सर्पले डस्यो सहारा प्रभु साहको राजनीतिक प्रतिवेदनमा के छ ? कागज र भाषणमै सीमित नेपाल–भारत मैत्रीपूल चाडपर्वमा स्वच्छ र सुन्दर मौलापुर बनाउने अभियानमा जुटिन् मेयर रीना साह हत्या आरोपीसँग हतियार प्रदर्शन गर्दै टिकटक बनाउने सशस्त्र प्रहरी जवानमाथि अनुसन्धान सप्तरी प्रहरीद्वारा शतप्रतिशत उजुरी फछ्र्यौट मन्त्री यादवले भने–हल्ला कम काम बढी हुनु प-यो एउटै टोलका ३ सदा परिवारको झुपडीमा छैन दशैको रौनक