धनगढी । बजेटप्रति असन्तुष्टि जनाउँदै नेकपा एमालेका सांसद वीरबहादुर थापाले राजीनामा दिएसंगै सुदूरपश्चिम प्रदेशसभामा रिक्त सिट संख्या तीन पुगेको छ । ५३ सदस्यीय प्रदेशसभामा यसअघि नै दुई सांसदको स्थान रिक्त रहेकामा थापाको राजीनामासँगै रिक्त सिट थपिएको हो ।

पूर्वमन्त्रीसमेत रहेका थापा कञ्चनपुर निर्वाचन क्षेत्र नम्बर १ को प्रदेशसभा क्षेत्र (१) बाट निर्वाचित भएका थिए। प्रदेश सरकारले ल्याएको बजेटप्रति असन्तुष्टि जनाउँदै उनले सभामुखसमक्ष राजीनामा दिएका थिए।

नेपालको संविधानअनुसार प्रदेशसभा सदस्यले राजीनामा दिएमा निजको स्थान रिक्त हुन्छ । थापाको राजीनामासम्बन्धी जानकारी अब बस्ने प्रदेशसभा बैठकमा सभामुखले सुनाउनेछन् ।

यसअघि डडेल्धुरा निर्वाचन क्षेत्र नम्बर १ को प्रदेशसभा क्षेत्र (२) बाट निर्वाचित स्वतन्त्र सांसद तारा जोशीले राजीनामा दिएका थिए । उनी राष्ट्रिय स्वतन्त्र पार्टी (रास्वपा) बाट प्रतिनिधिसभा सदस्य निर्वाचित भएका थिए ।

त्यस्तै, कैलाली निर्वाचन क्षेत्र नम्बर ५ को प्रदेशसभा क्षेत्र (२) बाट निर्वाचित नेपाली कांग्रेसका सांसद प्रकाश देउवा पदमुक्त भइसकेका छन् । लगातार प्रदेशसभा बैठकमा अनुपस्थित भएपछि सभामुखले उनलाई पदमुक्त गरेका थिए ।

सम्बन्धित समाचार

८ वर्षदेखि अलपत्र शिवगंगा पुल, उपमहानगरलाई बर्सेनि अस्थायी संरचना बनाउनुपर्ने बाध्यता निर्माणाधीन ट्रान्समिसन लाइनको अवरोध फुकाउँदै ऊर्जा मन्त्रालय, १२ प्रसारण लाइनको काम यसै वर्ष सकिने इलामको त्यो असोज: एक वर्षपछि पनि उस्तै छन् बाढीपहिरोका घाउ कर्णालीमा हुने १०औँ राष्ट्रिय खेलकुद प्रतियोगिताको यस्तो छ भव्य तयारी चीनबाट फर्केको केही दिनपछि प्रधानसेनापति सिग्देल बेलायत प्रस्थान कांग्रेसमा गगनको दोस्रो इनिङ सशस्त्र प्रहरीको चाडपर्व विशेष सुरक्षा लागू, २८ हजार जनशक्ति परिचालित शिक्षकलाई सवारी किन्न सरकारले ब्याज तिरिदिने, मावि प्रथमलाई ५० लाख र द्वितीयलाई ४० लाख रुपैयाँसम्म