काठमाडौं । एमालेको दुई दिने राष्ट्रिय भेला सुरु भएको छ । काठमाडौंको बबरमहलमा आयोजित राष्ट्रिय भेलाको अध्यक्ष केपी ओलीले समुदघाटन गरे । भेलालाई सम्बोधन गर्दै ओलीले अदालतले प्रतिनिधिसभालाई संवैधानिक निकाय नै नभएको जस्तो व्यवहार गरेको आरोप लगाए । उनले प्रतिनिधिसभासम्बन्धी मुद्दा अदालतमा विचाराधीन रहे पनि फैसला हुन नसकेको भन्दै प्रश्न उठाए।
उनले विगतमा प्रतिनिधिसभा विघटनसम्बन्धी मुद्दामा आफूअनुकूल फैसला भएको देखे पनि अदालतका निर्णय स्वीकार गर्दै आएको बताए।
‘प्रतिनिधिसभाको विघटनसम्बन्धी सम्मानित अदालतबाट आफूअनुकूल फैसला भइरहेको देखेकै हो। हामीले स्वीकार्दै आएका हौँ। अहिले सम्मानित प्रतिनिधिसभाको मुद्दा अदालतमा छ। तर अदालतले प्रतिनिधिसभा संवैधानिक होइन जस्तो गरेको छ। कुनै फैसला गर्दैन,’ ओलीले भने।
उनले विगतमा संसद्सम्बन्धी मुद्दामा फैसला गर्ने अदालतले अहिले प्रतिनिधिसभाको मुद्दामा निर्णय नगरेको भन्दै असन्तुष्टि जनाए।
ओलीले वर्तमान सरकारले मानवीयतासमेत बिर्सिएको बताएका छन् । आफू तत्काल अप्रेसन नगर्दा ज्यान जाने अवस्था भएका बेला हिरासतमा राखेको बताए ।
‘मलाई तत्काल अप्रेसन नगर्दा ज्यान नै जाने अवस्था थियो । तर, मलाई हिरासतमा राख्दा अप्रेसन नै ढिला हुन पुग्यो,’ चैत १४ को पक्राउ सम्झँदै उनले भने, ‘त्यतिबेला ज्यान तलमाथि भएको भए के हुन्थ्यो ? के यिनका लागि हामी किरा फट्याङ्ग्रा हौँ ?’
ओलीले वर्तमान प्रहरी महानिरीक्षकले शेरबहादुर देउवा, पुष्पकमल दाहाल प्रचण्ड र आफूलाई जेलमा थुनिदिने धम्की दिएको पनि सुनाए ।
सम्बन्धित समाचार
अर्धभूमिगत सांसद खगेन्द्र सुनारको माग पूरा
वैधानिकतावारे उठेको आरोपको स्वतन्त्र छानबिन गर्न कांग्रेसको माग
डा.गोविन्द केसीको सत्याग्रहमा सरकारको परीक्षा, आफ्नै प्रतिबद्धता कार्यान्वयन गर्न रास्वपालाई चुनौती
पार्टी नेतृत्व र वैधानिकतामाथि भ्रम फैलाउने प्रयासको सशक्त प्रतिवाद गर्ने कांग्रेसको निर्णय
सुरक्षा अंगमा मनोवैज्ञानिक त्रास
जनताको अभिमत दुरुपयोग गरेर हुर्मत नलिन आफ्नै नेता-कार्यकर्तालाई रवि लामिछानेको चेतावनी
कुन नेतामाथि कतिबेला के हुने हो टुंगो छैनः प्रचण्ड
‘मधेसमा परिवर्तन महसुस गराउन नसके अर्को चुनावमा भोट माग्न आउँदिनँ’






