सिन्धुली । खैरो हिरोईन सहित सिन्धुलीमा शनिबार दिउँसो एक जना पक्राउ परेका छन । सुनसरीको बराहा नगरपालिका ३ का खगेन्द्र बुढाथोकी ८ दशमलब ५४० ग्राम खैरो हिरोईन सहित सिन्धुलीमाढीको शिवनगर चेकपोष्टबाट पक्राउ गरिएको जिल्ला प्रहरी कार्यालय सिन्धुलीले जनाएको छ ।

वा७७प९७७ नम्बरको मोटरसाईकलमा आएका उनलाई चेकजाँच गर्ने क्रममा खैरो हिरोइन सहित पक्राउ गरिएको र सिन्धुली जिल्ला अदालतबाट ५ दिनको म्याद थप गरि अनुसन्धान सुरु गरिएको जिल्ला प्रहरी कार्यालय सिन्धुलीका डिएसपी चिरञ्जीवि दाहालले बताए ।

उनका अनुसार बुढाथोकीको पर्सबाट ०.४३० ग्राम र मोटरसाईकलको फिल्टरभित्र कालो प्लाष्टिकमा लुकाई राखेको ८.११० ग्राम खैरो हिरोइन जफत गरिएको छ ।