काठमाडौँ । नेपाली चलचित्र ‘अञ्जिला’को गीत ‘डल्ले डल्ले खुर्सानी…’को भिडियो बिहीबार सार्वजनिक गरिएको छ । आगामी २९ फागुनमा यो चलचित्र रिलिज हुनेछ ।
यस गीतका गीतकार तथा संगीतकार राजन राज सिवाकोटी हुन् । गीतमा सिवाकोटी र मेलिना राईको स्वर रहेको छ । गीतलाई मौलिक शैलीमा तयार गरिएको यो चलचित्रका निर्देशक मिलन चाम्सले बताएका छन् । गीतको भिडियोमा अभिनेता दयाहाङ राई र अभिनेत्री मिरुना मगरको नृत्य रहेको छ । गीतको भिडियोमा कविराज गहतराजले कोरियोग्राफी र रामकुमार केसीले छायांकन रहेको छ ।
यो चलचित्र महिला राष्ट्रिय फुटबल टिमकी क्याप्टेन तथा नम्बर एक गोलरक्षक एञ्जिला तुम्बापो सुब्बाको जीवनमा आधारित रहेको छ । निर्देशक चाम्सले चलचित्रले एञ्जिलाको बाल्यकालदेखि खेल जीवनसम्मको संघर्ष र सफलताको कथालाई चित्रण गरिएको बताएका छन् ।
चलचित्रमा एञ्जिला आफैँ मुख्य भूमिकामा छिन् । यसमा सुनिल थापा, दयाहाङ राई, विजय बराल, सिर्जना सुब्बा, माओत्से गुरुङ, प्रेम कुमार श्रेष्ठ र बुद्धि तामाङको पनि अभिनय रहेको छ ।
यस चलचित्रको भव्य वल्र्ड प्रिमियर गत २३ मंसिरमा हङकङमा भएको थियो । प्रिमियरमा दर्शकबाट राम्रो प्रशंसा पाएको निर्देशक चाम्सले बताएका छन् । यो चलचित्र नेपाल रिलिज अघि नै बेलायत, अमेरिका, अस्ट्रेलिया, र जापानमा रिलिज हुने भएको छ ।
यो चलचित्रको चलचित्रको छायांकन एञ्जिलाको जन्मथलो इलामको आइत’bout, झापा, र काठमाडौँमा गरिएको हो । चलचित्रको छायांकारमा सुदिप बराल, सम्पादनमा मिलन श्रेष्ठ छन् । मुन लभ इन्टरटेन्मेन्टको ब्यानरमा निर्मित यस चलचित्रका निर्माता प्रेम कुमार श्रेष्ठ हुन्, भने टुबेन्द्र लिम्बु, विनोद अग्रवाल र राजेश बगडिया सह–निर्माता हुन् ।






