काठमाडौं । वाणिज्य बैंकहरूले चैत महिनाका लागि ब्याजदर सार्वजनिक गरेका छन् । बैंकहरूले सार्वजनिक गरेको सूचनाअनुसार ३ वटा बैंकले भने व्याजदर घटाएका छन् । फागुन महिनामा औसत ६ दशमलव शून्य १ प्रतिशत रहेको ब्याजदर चैत महिनाका लागि घटेर ५ दशमलव ९३ प्रतिशतमा झरेको छ ।

चैत महिनाका लागि ब्याजदर सार्वजनिक गरेको १६ बैंकमध्ये १३ बैंकले फागुन महिनाकै ब्याजदरलाई निरन्तरता दिएका छन् ।

तथ्यांकअनुसार नेपाल बैंक, लक्ष्मी सनराइज र हिमालयन बैंकले ब्याजदर घटाएका छन् । नेपाल बैंकले व्यक्तिगत मद्दती निक्षेपको अधिकतम ब्याजदर दशमलव १ प्रतिशत बिन्दुले घटाएको छ । त्यस्तै, हिमालयन बैंकले मुद्दती निक्षेपको अधिकतम ब्याजदर दशमलव ७५ प्रतिशत बिन्दुले घटाएको छ ।

यसैगरी कुमारी बैंकले पनि ब्याजदर घटाएको छ । सो बैंकले व्यक्तिगत मुद्दती निक्षेपको अधिकतम ब्याजदर दशमलव १ प्रतिशत बिन्दुले बढाएको छ ।

चैतमा वाणिज्य बैंकको ब्याजदर औसतमा ५ दशमलव ९३ प्रतिशत कायम भएको छ । फागुनमा यो प्रतिशत औसतमा ६ दशमलव शून्य १ थियो ।

बैंकहरूले सार्वजनिक गरेको तथ्यांकअनुसार चैतमा एनआईसी एसिया बैंकले सबैभन्दा बढी ब्याज दिने देखिएको छ । सो बैंकले ६ दशमलव ६ प्रतिशत ब्याजदर कायम गरेको छ । अन्य करिब एक दर्जन बैंकमा ६ प्रतिशतमाथि ब्याज पाइने भएको छ ।

मुद्दती निक्षेपको अधिकतम ब्याजदर एनआईसी एसिया बैंक र एनएमबी बैंकको रहेको छ । एनआईसी र एनएमबीले चैत महिनाको लागि ६ दशमलव ६ प्रतिशत ब्याजदर तोकिएको छ । त्यस्तै, न्यूनतम ब्याजदर लक्ष्मी सनराइज बैंकको ४ दशमलव ७५ प्रतिशत रहेको छ । लक्ष्मी सनराइजले फागुन महिनाको तुलनामा ब्याजदर घटाएको हो । त्यसैगरी हिमालयन बैंक र नेपाल बैंकले दुवैले ब्याजदर घटाएर ५ दशमलव ५ प्रतिशत कायम गरेका छन् ।

त्यसैगरी, स्ट्यान्डर्ड चार्टर्स बैंकको ६ दशमलव २५ प्रतिशत, सानिमा बैंकको ६ दशमलव शून्य ५ प्रतिशत, प्रभु बैंकको ६ दशमलव १ प्रतिशत, ग्लोबल आईएमई बैंक, सिद्धार्थ बैंक र माच्छापुच्रे बैंकले ६ प्रतिशत ब्याजदर कायम गरेका छन् ।

प्राइम कमर्सियल बैंक ६ दशमलव २५ प्रतिशत, नेपाल इन्भेस्टमेन्ट मेघा बैंक ६ दशमलव ५ प्रतिशत, एभरेस्ट बैंक ६ प्रतिशत, नबिल बैंक ५ दशमलव ७५ प्रतिशत, कुमारी बैंक ५ दशमलव ८१ प्रतिशत, नेपाल एसबीआई बैंक ५ दशमलव ५ प्रतिशत, कृषि विकास बैंकले ५ दशमलव ५१ प्रतिशत र राष्ट्रिय वाणिज्य बैंकले चैत महिनाका लागि ६ प्रतिशत ब्याजदर कायम गरेका हुन् ।

एभरेस्ट बैंकले दशमलव शून्य ५ प्रतिशत बिन्दुले बढाउनु र दशमलव शून्य १ प्रतिशत बिन्दुले घटाउनुबाहेक अन्य बैंकको ब्याजदर स्थिर छ । यो खातामा सबैभन्दा कम ३ प्रतिशत र सबैभन्दा धेरै ३ दशमलव १ प्रतिशत ब्याजदर तोकिएको छ ।

व्यक्तिगत मुद्दती खाताका लागि भने ८ बैंकको ब्याजदर समायोजन भएको छ । त्यसमध्ये ५ वटा बैंकले ब्याजदर बढाएका छन् भने ३ वटा बैंकको ब्याजदर घटेको छ । ब्याजदर बढाएका बैंकमध्ये कुमारी बैंकले दशमलव १ प्रतिशत बिन्दु, एनएमबी बैंक, एनआईसी एसिया बैंक, हिमालयन बैंक र नबिल बैंकले समान दशमलव २५ प्रतिशत बिन्दुले ब्याजदर बढाएका छन् । त्यस्तै, माछापुच्छ्रे बैंकले दशमलव ५, सानिमा बैंकले दशमलव ३ र नेपाल बैंकले दशमलव २ प्रतिशत बिन्दुले ब्याजदर घटाएका छन् ।

संस्थागत मुद्दती निक्षेपतर्फ सात बैंकको ब्याजदर परिवर्तन भएको छ । त्यसमध्ये चार बैंकले ब्याजदर बढाएका छन् भने तीनवटाले घटाएका छन् । राष्ट्रिय वाणिज्य बैंक, एनएमबी बैंक र एनआईसी एसिया बैंकले दशमलव २५ र कुमारी बैंकले दशमलव २६ प्रतिशत बिन्दुले ब्याजदर बढाएका छन् । त्यस्तै, हिमालयन बैंकले दशमलव २५, लक्ष्मी सनराइज बैंकको दशमलव ५ र सिटिजन्स बैंकले दशमलव ६५ प्रतिशत बिन्दुले ब्याजदर घटाएका छन् ।

सम्बन्धित समाचार

आर्थिक वर्ष २०८२–०८३ का लागि २० खर्ब ८८ अर्ब २१ करोड बजेट रेसुङ्गा बिमानस्थलमा फागुनभर पनि उडान नहुने गभर्नर अधिकारीलाई पुनः नियुक्तिको आशमा, तर परेको छ कांग्रेसको भागमा नेपालमा विदेशी मुद्रा सञ्चिति अधिक सरकारको खातामा साढे ३ खर्ब मौज्दात नेप्से परिसूचकमा आज दोहोरो अङ्कको वृद्धि ६.१ म्याग्निच्युडको भूकम्प मन्त्रीद्वारा यलम्बर बाजा बजाउँदै बाँस सम्मेलनको उद्घाटन देउवाले किन बोलाए कांग्रेस शीर्ष नेताको बैठक धमाधम पक्राउ पर्दै दोषी ठहर भएकाहरू ललिता निवास जग्गा प्रकरणमा सर्वोच्च पुग्यो अख्तियार पर्वतमा बोलेरो जीप दुर्घटना हुँदा २ को मृत्यु, ६ जना घाइते