मुगुमा एक जनाको आरडिटी रिपोर्ट पोजेटिभ

मुगु । जिल्लास्थित खत्याड गाउँपालिकामा -यापिड परिक्षण गरिएका एक जनाको रिपोर्ट पोजेटिभ देखिएको छ । सोमबार गाउँपालिका मातहत बरातु क्वारेनटाइनमा बस्दै आएकी सोही गाउँपालिका वडा ३ की एक १८ बर्षीय युवतीको आरडिटी परिक्षण गर्दा पोजेटिभ रिपोर्ट आएको खत्याड गाउँपालिका स्वास्थ्य शाखा उपसंयोजक हरि बुढाले फोन मार्फत बताए ।

गत बैशाख १९ गते सोरु गाउँपालिकाले काठमाडौंबाट उद्घार गरेर मुगु ल्याइएकाहरुसंग मुगु आएकी उनी ९ दिन जिल्ला सदरमुकाम गमगढी जिल्ला प्रहरी कार्यालयको दक्षिणतर्फ रहेको आफन्तको घरमा बसेर खत्याड गाउँपालिकामा रहेको आफनो घर जादा गाउँपालिकाले बरातु क्वारेन्टाइनमा राखेको थियो ।

गत बैशाख ४ गते विहिबार आरडिटी पोजेटिभ देखिएका व्यक्ति भन्दा यी युवतीमा लक्षण कोरोनासंग मिल्दो जुल्दो देखिएको र उनको स्वाव पिसिआर परिक्षणका लागि मंगलबार स्थलमार्गबाट कर्णाली स्वास्थ्य विज्ञान प्रतिष्ठान जुम्ला लैजाने तयारी भैरहेको जिल्ला स्वास्थ्य सेवा कार्यालयका प्रमुख डा निर्मल नगरकोटीले बताए ।

कोरोना शंकास्पद युवती जिल्ला सदरमुकाम गमगढीमा रहँदा उनी बसेको घर वरिपरी र आफन्तहरु १५ जनाको आजै आरडिटी परिक्षण गर्दा उनीहरुको रिर्पाेट नेगटिप आएको पनि डाक्टर नगरकोटीले बताए । यसअघि आरडिटी पोजेटिभ आएका व्यक्तिको पिसिआर परिक्षण गर्दा नेगेटिभ रिपोर्ट आएको थियो ।

सोमबारसम्म मुगुमा ३६० जनाको आरडिटी परिक्षण गरिएकोमा ३५८ जनाको नेगेटिभ, २ जनाको रिपोर्ट पोजेटिभ आएको छ भने ११ जनाको पिसिआर परिक्षण गर्दा सबैको रिपोट नेगेटिभ आएको छ । आज आरडिटी पोजेटिभ देखिएको एक व्यक्तिको र अन्य २ सय जनाको स्वावको पिसिआर रिपोर्ट भने आउन बाँकी रहेको छ ।

२०० जनाको स्वाव पिसिआर परिक्षण गरिदै
कर्णाली स्वास्थ्य विज्ञान प्रतिष्ठान जुम्लाबाट खटिएको चिकित्सकसहितको टोलीले मुगुका सोरु र मुगुम कार्मारोङ्ग गाउँपालिकाहरुमा जिल्ला बाहिर र भारत तथा तेसो्र मुलकबाट आएका व्यक्तिहरुको स्वाव संकलन गरेको छ । संकलित २०० जनाको स्वावको कोरोना भाइरस परिक्षणका लागि मंगलबार हेलिकप्टरमार्फत कणाली स्वास्थ्य विज्ञान प्रतिष्ठान जुम्लामा लगिन लागेको स्वास्थ्य सेवा कार्यालय मुगुका प्रमुख डाक्टर निर्मल नगरकोटीले जानकारी गराए ।

यी गाँउपालिकाका स्थानियहरु जिल्ला बाहिरबाट गत बैशाख महिनामा गाउँपालिकामा भित्रिएपछि स्थानियहरुको त्रास सृजना भएपछि कणाली प्रदेश सरकारको सामाजिक विकास मन्त्रालयले कोरोना परिक्षणको दायरा फराकिलो बनाउने भन्दै प्रदेश भरीका विभिन्न स्थानिय तहहरुमा कोभिड १९ परिक्षण गर्न स्वाव संकलनका लागि चिकित्सकसहितको स्वास्थ्य टोली खटाएको थियो । मुगुका सोरु र मुगुम कार्मारोङ्ग गाँउपालिकाहरुमा खटिएको स्वास्थ्यकर्मीहरुको टोलीले संकलन गरेको स्वाव पिसिआर परिक्षणका लागि जुम्ला पठाउन थालेको स्वास्थ्य सेवा कार्यालय प्रमुख डा नगरकोटीले बताए ।

सोरु र मुगुम भन्दा कोरोनाको जोखिममा रहेका छायाँनाथ रारा नगरपालिका र खत्याड गाउँपालिकाहरुमा पिसिआर परिक्षणको दायरा बढाउन अनुरोध गदै पत्रमार्फत तथा मौखिम माग गरेको प्रमुख जिल्ला अधिकारी कृष्ण कुमार निरौला बताउँछन् । ‘प्रदेशले खै के आधारमा सोरु र मुगुम छान्यो त्यो थाहा भएन, कोरोना जोखिमका हिसाबले क्रमश खत्याड, सोरु र छायाँनाथ रारा स्थानिय तहहरु देखिन्छन् यी पालिकाहरुमा पिसिआर परिक्षण बढाउनु पर्ने हो’, उनले भने । यी पालिकाहरुमा काठमाडौंलगायत भारत र तेसो्र मुलकबाट अधिक संख्यामा स्थानियहरु भित्रिएका छन् ।

तपाइको प्रतिक्रिया
(Visited 64 times, 1 visits today)

आजको समाचार

Ads Space Available

epaper

भर्खरै

कांग्रेसको समानुपातिक सूची संशोधनमा सहमति जुट्यो

कुरी-कुरी

आजको १० समाचार