काठमाडौं । चलचित्र ‘प्रेम दिवस’मा नायकको रूपमा अभिनय गरेर हराएका विशाल खरेल र अभिनेत्री साम्राज्ञी राज्यलक्ष्मी शाहले विवाहको लागि हालै ‘इन्गेजमेन्ट’ गरेका थिए । यति बेला यी दुवै विवादमा छन् । विशेष गरेर विशालकी पूर्व पत्नी सरिता सुब्बा (मुनु) ले साम्राज्ञीकै कारण आफूले विशालसँग सम्बन्ध विच्छेद गर्नु परेको भिडियो सार्वजनिक गरेपछि यी दुई जना विवादमा आएका हुन् ।

त्यसो त दुई दिन अघि मात्र आफू, छोरा र विशालको फोटो सामाजिक सञ्जाल टिकटकमा सार्वजनिक गर्दै सविताले यस्तो लेखेकी थिइन्,‘आफ्नो धोकालाई जायज ठहराउन संसारलाई तिमी हाम्रो सम्बन्ध विषाक्त थियो भन्दै छौ, जुन हाम्रो १५ वर्ष लामो वैवाहिक जीवन र २ वर्षको छोराप्रति निकै अपमानजनक हो ।’

यो टिकटक आएपछि विशाल यस अघि नै विवाहित भएको जानकारी बाहिरिएको थियो । अझ त्यसलाई प्रस्ट पार्दै बुधवार सरिताले २ मिनट ५४ सेकेन्डको भिडियो सामाजिक सञ्जालबाट सार्वजनिक गर्दै सो कुरा प्रष्ट पारेकी छिन् । अभिनेत्री साम्राज्ञीसँग विशालले म्युजिक भिडियो खेलेपछि आफूबाट विशाल टाढा भएको उनले सो भिडियोमा बताएकी छिन् ।

गत वर्ष विशालको लगानीमा अभिनेत्री साम्राज्ञी र विशालले दुई वटा म्युजिक भिडियो ‘हारेँ हारेँ’ र ‘मालती’को छायांकन थाइल्यान्डमा गरेका थिए । करिब ४० लाखको खर्चमा विशालले यी दुई भिडियो बनाएका थिए । ती दुई म्युजिक भिडियोको छायांकनका क्रममा विशाल र साम्राज्ञीको शारीरिक सम्बन्ध भएको पनि सरिताले आफ्नो भिडियोमा बताएकी छिन् ।

सरिताले भनेकी छिन्,‘हामी म्यारिड हो र हाम्रो बच्च छ भन्ने कुरा त्यो ओमनलाई थाहा थियो की उनीहरूको थाइल्यान्डमा म्युजिक भिडियो सुटिङ हुँदा,’ उनले अगाडि भनेकी छिन्,‘मेरो अहिलेको एक्सले ऊसँग थाइल्यान्डमा बेड शेयर गरेको कुरा स्किारेपछि हामी अलग भएको हौँ र त्यसपछि मैले विशालसँग सम्बन्ध विच्छेद गुर्न परेको हो ।’

यसरी साम्राज्ञीसँग विशालको भेट हुनु अघिसम्म आफूहरूको दाम्पत्य सम्बन्ध राम्रो रहेको पनि सरिताले बताएकी छिन् । साम्राज्ञीसँगको भेटपछि विशाल यी अभिनेत्रीसँग लागेकै कारण आफू अलग हुनु परेको बताउँदै बच्चा र आफू अमेरिकामा अहिलेसँगै रहेको पनि सरिताले स्पष्ट पारेकी छिन् । सुरुमा त्यो घटनाले केही समय गाह्रो भए पनि अहिले आफू सहज भएको पनि सरिताको कथन छ ।

सरिता र विशालको विवाह भएको १५ वर्ष भएको थियो । उनीहरूको अहिले २ वर्षका छोरा पनि छन् । यसरी विशाल विवाहित र एक सन्तानको बुबा भन्ने जानकारी हुँदा हुँदै पनि चलचित्रकी स्थापित यी नायिकाले आफ्नो घरबार बिगारेर विशालसँग सम्बन्ध विच्छेद गर्न बाध्यसम्म परेको पनि सरिताको भनाई छ । तर यो विषयमा अभिनेत्री साम्राज्ञीले अहिलेसम्म कुनै प्रतिक्रिया दिएकी छैनन् ।

गत वर्ष दुई वटा म्युजिक भिडियोको छायांकनसँगै प्रेम सम्बन्धमा रहेका साम्राज्ञी र विशालले २ मंसिरमा साम्राज्ञीको जन्म दिनको अवसर पारेर ‘इन्गेजमेन्ट’ गरेका हुन् । उनीहरूले अब कहिले विवाह गर्ने भन्ने’bout बताएका छैनन् । अमेरिकाका व्यापारी विशालसँगै काम ग र्ने क्रममा उनीहरू एक अर्कासँग नजिकिएका थिए । साम्राज्ञीले ‘इन्गेजमेन्ट’को फोटो सार्वजनिक गरे पनि विशालको नाम भने गोप्य राखेकी थिइन् । तर विशालकी पूर्व पत्नी सरिताले सामाजिक सञ्जालमा बुधवार मात्र एउटा भिडियो सार्वजनिक गरेपछि यो सबै कुरा बाहिर आएको हो ।

सरिताको सो भिडियोका कारण यति बेला साम्राज्ञीमाथि सामाजिक विभिन्न टिका टिप्पणी गरिएको छ । साम्राज्ञीसँग पछिल्लो समय चलचित्र थिएन । उनी फूर्सदमा भएकोले परिवारवाट विवाहको दवाव पनि आइरहेको थियो । सोही कारण उनले जन्मदिनको अवसर पारेर प्रेमी विशालसँग ‘इन्गेजमेन्ट’ गरेकी हुन् ।

सम्बन्धित समाचार

लागू औषध प्रकरणमा मुछिए अभिनेत्री श्रद्धा र नोरा छायांकनमा आठ घण्टा मात्र काम गर्ने दीपिकाको अडान निर्देशक विक्रम भट्टविरुद्ध ३० लाख ठगीको मुद्दा छोरीको कथामा बन्यो ‘पीआर’, अष्ट्रेलियाबाट रिलिज अग्रज निर्माता दिलीप पौडेलको निधन नाफामा हिमाली जनजीवनका चित्रकला बलिउड ‘ही–म्यान’ अभिनेता धर्मेन्द्रको निधन ४० दिनमा सकियो ‘परालको आगो’