मुम्बई । पोर्न स्टार तथा बलिउड अभिनेत्री सन्नी लियोनी फेरि एक पटक विवादमा मुछिएकी छिन्। नयाँ वर्षको उत्सव मनाउनुभन्दा अगाडि नै उत्तर प्रदेशको धार्मिक शहर मथुरामा प्रस्तावित कार्यक्रमलाई लिएर सन्नी लियोनी विरुद्ध विरोध प्रदर्शन गरिएको छ ।
यो विवाद नयाँ वर्षको पूर्व सन्ध्यामा मथुरामा आयोजना भइरहेको विशेष सांस्कृतिक कार्यक्रमसँग सम्बन्धित रहेको छ । जहाँ सन्नी लियोनीको उपस्थिति’bout व्यापक प्रचार प्रसार गरिएको छ ।
परिस्थिति यति कठिन भएको छ कि सन्नी लियोनीलाई मथुरामा प्रवेश गर्न प्रतिबन्ध लगाउन सो क्षेत्रबाट व्यापक मागहरू उठिरहेका छन् । पोर्न स्टारको नामले परिचित अभिनेत्री सन्नी लियानी त्यहाँको कार्यक्रममा विशेष प्रस्तुतिको लागि आउने’bout जानकारी सार्वजनिक हुने बित्तिकै मथुराका सन्त महन्तहरूले यसको कडा विरोध गरेका थिए । सन्नी लियोनीलाई यो पवित्र र धार्मिक सहरमा अर्धनग्न बनाएर कन्सर्ट प्रस्तुत कार्यक्रम आयोजना गर्दा धार्मिक भावनामा चोट पुग्ने भन्दै उनीहरूको कार्यक्रमको विरोध गरेका हुन् ।
कार्यक्रम नहुँदै विवाद पढे पनि यो कार्यक्रममा आफू सहभागी हुने कुरा सन्नीले बताएकी छिन् । सन्नीले सामाजिक सञ्जालमा कार्यक्रमको ’boutमा प्रचारात्मक पोस्टहरू पोस्ट गरिरहेकी छिन्। यद्यपि, विरोध तीव्र हुँदै जाँदा, सबैको नजर अब प्रशासनको निर्णय तर्फ मोडिएको छ । यो विषयमा मथुरा प्रशासनले अहिलेसम्म कुनै जवाफ दिएको छैन ।
यस सम्बन्धमा, श्री कृष्ण जन्मभूमि मन्दिरका मुख्य निवेदक दिनेश फलाहारी महाराजले मथुरा जिल्ला मजिस्ट्रेटलाई पत्र लेखेर कार्यक्रम तुरुन्तै रद्द गर्न माग गरेका छन्। पत्रमा, उनले आयोजकहरू विरुद्ध कडा कारबाहीको लागि पनि अपिल गरेका छन्। आफ्नो पत्रमा दिनेश फलाहारी महाराजले लेखेका छन्, ‘ब्रजभूमि त्यो पवित्र स्थल हो जहाँ हाम्रा प्रिय भगवान कृष्णले रासलीला प्रदर्शन गरेका थिए। यस्तो पवित्र स्थानमा नयाँ वर्षको नाममा अश्लीलता प्रस्तुत गर्ने तयारी भइरहेको छ ।’
दिनेश फलाहारी महाराजले यो कार्यक्रम होटल ललिता ग्राउन्ड र होटल द ट्रकमा आयोजना हुने जानकारी गराउँदै त्यहाँ कार्यक्रमका कारण हुन सक्ने सम्भावित घटना’bout पनि प्रशासनलाई अवगत गराएका छन् । भोली त्यहाँ हुने जस्तो पनि घटनाको दोषी आयोजक र प्रशासन नै हुनु पर्ने उनले उजुरीमा लेखेका छन् । यसरी उनले कार्यक्रम रोक्न निवेदन नै दिएपछि सन्नी लियोनी आउने विवाद गहिरो हुँदै गएको हो । महाराजले कार्यक्रम आयोजना गर्नेलाई नै कारबाहीको माग पनि गरेका छन् ।
स्वदेशी र विदेशबाट सनातनी भक्तहरू भजन–कीर्तन, पूजा–पाठ र भगवान कृष्णको दर्शनको लागि मथुरा आउने गरेको दिनेश फलाहारी महाराजले अवगत गराउँदै भनेका छन्,‘केही मानिसहरूले गोलोकको दिव्य भूमिको छवि बिगार्ने षड्यन्त्र गरिरहेका छन्। यस्ता कार्यक्रमहरूको यहाँ कुनै स्थान हुनु हुँदैन ।’
