काठमाडौँ । नेकपा एमालेका नेता–कार्यकर्ता प्रदर्शनमा उत्रिएपछि काठमाडौँको माइतीघर–बानेश्वर क्षेत्र तनावग्रस्त भएको छ ।

अध्यक्ष केपी शर्मा ओलीलाई पक्राउ गरेको विरोधमा उत्रिएका एमाले कार्यकर्ताहरूमाथि प्रहरीले लाठी प्रहार समेत गरेको छ ।
लाठी प्रहारका क्रममा एमाले कार्यकर्ता युवराज ओली, लगायतका नेता कार्यकर्ताहरू घाइते भएका छन् ।

सुरक्षा स्थिति नियन्त्रणका लिन प्रहरी परिचालन भएको छ । प्रदर्शन चलिरहँदा सिंहदरबार आसपासमा ठूलो संख्यामा सुरक्षाकर्मी परिचालित भएका छन् । गत २३ र २४ भदौमा जेनजेड आन्दोलन भएको थियो । उक्त आन्दोलनमा दमन भएको थियो ।
त्यसबेला एमालेका अध्यक्ष ओली प्रधानमन्त्री र काँग्रेस नेता रमेश लेखक गृहमन्त्री थिए । ओली र लेखक पक्राउ परेपछि एमालेले विरोधमा प्रदर्शन शुरु गरेको हो ।

माइतीघर बबरमहल क्षेत्रमा प्रदर्शन भइरहेका बेला एउटा समूह सिंहदरबारको दक्षिण गेटतर्फ प्रदर्शन गर्न पुगेको थियो । त्यसक्रममा प्रहरीले लाठी प्रहार गरेको छ ।

सम्बन्धित समाचार

राजाका रोजाइको प्रकृति संरक्षण कोषमा प्रधानमन्त्री कार्कीको मनमौजी रवि–बालेन अभिमुखीकरण तालिममा अनुपस्थित जेनजी आन्दोलनमा सुशासनको नारा सरकारमा गएपछि खलंगा र रारा कांग्रेस १५औँ महाधिवेशन असोज १६ देखि १८ गतेका लागि तय रास्वपा केन्द्रीय समिति बैठक घण्टीघरमा सुरू रास्वपा संसदीय दलको नेतामा वरिष्ठ नेता बालेन्द्र साह चयन यस्तो बन्यो बालेनको क्याबिनेट, यी हुन् १६ मन्त्री प्रतिवादमा उत्रिने एमालेको तयारी