गुल्मी । धुर्कोट गाउँपालिका–६ स्थित धुर्कोट आधारभूत अस्पतालमा दन्त सेवा सुरु भएको छ । शनिबारबाट अस्पतालमा दन्त सेवा सुरु भएको हो । दाँत फाल्ने, सफा गर्ने र औषधी प्रदान गर्ने सेवा अस्पतालबाट प्रदान हुनेछ ।

औषधी र दाँत फाल्ने सेवा स्वास्थ्य बीमामा समेत समावेश गरिएको छ । शनिबार गुल्मी अस्पतालका डेन्टल हाइजेनिष्ट सुनिल गैरेले सेवा प्रदान गरे । अर्को महिनाबाट दाँतसम्बन्धि विशेषज्ञ डाक्टरले सेवा दिनेछन् । दाँतसम्बन्धि उपचार प्रत्येक महिनाको पहिलो शनिबार हुनेछ ।

अस्पतालमा पछिल्लो समय सेवा सुविधा थपिदैँ गएका छन् । चार महिना अगाडीबाट अस्पतालमा आँखासम्बन्धि सेवा पनि थप गरिएको छ । ग्रामीण भेगका गरिब एवं विपन्न नागरिकलाई लक्षित गर्दै सेवा सुरु गरेको पालिका अध्यक्ष भुपाल पोखरेलले बताए ।

‘संविधानमा सबै नागरिकको स्वास्थ्यसम्बन्धि हकको व्यवस्था गरिएको छ ।’ उनले भने, ‘सरकारको तर्फबाट क्रमशः त्यसैलाई पुरा गर्दैछौं ।’

सम्बन्धित समाचार

चितुवाको आक्रमणबाट दुई घाइते भिजिट भिसामा ओमान जाने नेपालीहरू ठगीको जोखिममा विद्यालय तहका किशोरीमा रक्तअल्पताको समस्या पाँच शय्याको आधारभूत अस्पताल सञ्चालन स्रोत नखुलेको १४ लाख भारतीय रुपैयाँसहित एक युवक पक्राउ सृजना मृत्यु प्रकरणका थप २ जना आरोपी पक्राउ पेट्रोलियम पदार्थमा मूल्य बृद्धि भएपछि विद्युतीय सवारीमा लगानी अवकाशप्राप्त शिक्षिकाद्वारा साइकल र स्टेशनरी वितरण