गुल्मी । यहाँको छत्रकोट गाउँपालिकाले आजदेखि नयाँ प्रशासनिक भवनबाट सेवा प्रवाह सुरु गरेको छ । गाउँपालिका–३ स्थित भेँडुवामा निर्मित सो भवनबाट सेवा सुरु गरिएको गाउँपालिका अध्यक्ष रामपसाद पाण्डेले जानकारी दिए ।

नवनिर्मित भवनमा सभाहल, बैठक कक्ष र कर्मचारीका लागि आवाससहित ३२ वटा कोठा छन् । चारतले उक्त भवनमा अशक्त तथा ज्येष्ठ नागरिकलाई सहज रूपमा आवतजावत गर्न लिफ्टको व्यवस्था गरिएको छ । सङ्घीय सरकार र गाउँपालिकाको संयुक्त लगानीमा नौ करोड रु १० लाख ९९ हजार ४३५को लागतमा उक्त भवन निर्माण सम्पन्न भएको प्रमुख प्रशासकीय अधिकृत राजन पाण्डेले बताउनुभयो । भवन निर्माणका लागि अम्बेमाँ बलदेव जेभी, भरतपुरले जिम्मा पाएको थियो ।

निर्माण कम्पनीले २०८२ असार ५ गतेभित्र काम सम्पन्न गर्नुपर्ने सम्झौता गरेको भए पनि निर्धारित समयभन्दा दुई महिना अघिनै भवन निर्माण सम्पन्न गरी हस्तान्तरण गरेको गाउँपालिकाले जनाएको छ ।

सम्बन्धित समाचार

ताकम–हिलापोखरी–सोलवाङ सडक स्तरोन्नति सुरु बागलुङका घरबास स्तरोन्नति गर्न अनुदान शिशुवा–खुदीखोला सडक स्तरोन्नति पोखरा सभागृह पुनर्निर्माण गरिने सडक अलपत्र पार्ने निर्माण व्यवसायीलाई कारबाहीको माग राष्ट्रपतिद्वारा भानु साहित्य उद्यानको शिलान्यास बढ्दो आगलागी जोखिममा उदयपुर : ६ वर्षमा ३६ करोडभन्दा बढी क्षति सीमा निर्धारणमा भएको ढिलाइले बेनीमा सडक आयोजना प्रभावित